فوتو: قر باس پروكۋراتۋراسى
نىساندى رەكونسترۋكتسيالاۋ جولاۋشىلارعا قىزمەت كورسەتۋ ساپاسىن جاقسارتۋعا, اۋە ايلاعىنىڭ نەگىزگى پارامەترلەرىن حالىقارالىق ستاندارتتارعا سايكەستەندىرۋگە مۇمكىندىك بەرەدى. ونىڭ وتكىزۋ قابىلەتى 30%-دان استامعا ارتادى.
قازىر جۇمىستاردىڭ ەداۋىر كولەمى ورىندالعان. اتاپ ايتقاندا, اۋەجايدىڭ نەگىزگى عيماراتى مەن قوسالقى نىساندارىنىڭ شاتىرى جوندەلىپ, تەرەزەلەر ورناتىلىپ, كارىز جۇيەسى مەن سۋ قۇبىرىنىڭ نەگىزگى جەلىسى جاڭارتىلدى. سونداي-اق كارىز-سورعى ستانساسى, ترانسفورماتورلىق قوسالقى ستانسا, جەلدەتۋ مەن جىلىتۋ جۇيەلەرى ورناتىلدى.
سونىمەن قاتار اۋەجاي قىزمەتىن قامتاماسىز ەتۋ ءۇشىن ءبىرىنشى كەزەكتە قاجەتتى ارنايى اەرودروم تەحنيكاسىن ساتىپ الۋ جۇمىستارى جۇرگىزىلىپ جاتىر. بۇگىندە اەرودرومدىق ءورت ءسوندىرۋ كولىگى, جىلجىمالى تراپ, شاعىن اۆتوبۋس پەن اۋەجايعا ارنالعان جانارماي قۇيۋ كولىگى ساتىپ الىنعان.
پرەزيدەنت جولداۋىن جۇزەگە اسىرۋ اياسىندا ەلىمىزدە اۆياتسيالىق ينفراقۇرىلىمدى دامىتۋ بويىنشا كەشەندى جۇمىس جۇرگىزىلىپ جاتقانىن اتاپ ءوتۋ ماڭىزدى. ول استانا, الماتى, شىمكەنت, اقتوبەدە تاعى باسقا دا ءىرى قالالارداعى جەتەكشى اۋەجايلاردى مۋلتيمودالدى حابتارعا اينالدىرۋ ءۇشىن اۋقىمدى جاڭعىرتۋ جۇمىستارىن قامتيدى. سونىمەن قاتار نەگىزگى تۋريستىك ايماقتاردا (قاتونقاراعاي, زايسان, كەندىرلى) اۋەجايلار سالۋ مەن وڭىرلىك اۋە ايلاقتارىن قالپىنا كەلتىرۋ جۇمىستارى جۇرگىزىلىپ كەلەدى.
