ستۋدەنتتەر قاۋىمىنىڭ العىسى

مەملەكەت باسشىسىنىڭ اتىنا اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ ستۋدەنتتەرىنەن حات كەلدى. حاتقا ب.باقكەلدىقىزى, م.ۋشاتوۆ, ن.بۇلدىباەۆ, ي.بۇلاقباەۆا, ا.مۇسانوۆا, ن.نۇرپەيىسوۆ, ق.ماقاشەۆ, ا.بايتاسوۆ, و.جۇماتاەۆ, س.شاحانوۆا قول قويعان, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. ەلىمىزدەگى بايىرعى جوعارى وقۋ ورنىنىڭ ستۋدەنتتەر قاۋىمى اتىنان جولدانعان حاتتا اۆتورلار ەلباسىن ەلوردا كۇنىمەن قۇتتىقتاي وتىرىپ, ەڭ ىزگى تىلەكتەرىن بىلايشا بىلدىرەدى: ء“بىز, تاۋەلسىز قازاقستاننىڭ جا­لىندى دا جىگەرلى جاستارى, عىلىم مەن ءبى­­لىمنىڭ, وركەنيەت پەن جوعارى تەحنو­لوگيالاردىڭ قارىشتاپ دامىپ جاتقان كەزەڭىندە, تاتۋلىعى مەن بىرلىگى جا­راس­قان تاۋەلسىز مەملەكەتتە ءومىر كە­شىپ جاتقانىمىزعا شەكسىز باقى­ت­تى­مىز. قازاقستاننىڭ دارىندى ستۋدەنت­تە­رى شەت ەلدەردە “بولا­شاق” باعدار­لاماسىمەن وقىپ, وزىق تاجىريبەسىن مەملەكەتىمىزدىڭ وركەندەۋىنە جۇمساۋعا مۇمكىندىك الىپ وتىر. ستۋدەنت­تەر­دىڭ الەۋ­مەت­تىك جاعدايلارىن جاقسارتۋ ماقساتىندا مەملەكەتتىك گرانتتار سانى ۇلعايىپ, شاكىرتاقى مولشەرى جىل وتكەن سايىن ارتۋدا. سونى­مەن قاتار, ستۋدەنتتىك جاتاق­حا­نا­لاردىڭ اۋماعى كەڭەيتىلىپ, ءومىر ءسۇرۋ جاعدايى بارىنشا جاقسارا تۇسۋدە. بۇگىنگى كۇنى مەملەكەتىمىزدە ساۋاتتى, پاراساتتى جاستاردىڭ جاڭا تولقىنى ءوسىپ, قالىپتاسىپ كەلەدى. وسىنىڭ بار­لىعى, اسا قادىرمەندى نۇرسۇلتان ءابىش ۇلى, ءسىز جۇرگىزىپ وتىرعان سىندارلى ساياساتىڭىزدىڭ جەمىسى, جاستارعا ارتىلعان زور سەنىم مەن ۇلكەن قامقورلىق دەپ بىلەمىز”.