«قازىرگى گەوساياسي جاعدايدا وتەتىن بۇل سامميت وڭىرلىك تۇراقتىلىقتى ساقتاۋ, تەرروريزم مەن ەكسترەميزم كورىنىستەرىنىڭ الدىن الۋ باعىتىنداعى ءوزارا ءىس-قيمىلدى جەتىلدىرۋگە ارنالماق. ۇقشۇ حاتشىلىعىندا حالىقارالىق جانە وڭىرلىك قاۋىپسىزدىككە قاتىستى وزەكتى ماسەلەلەردىڭ كەڭ اۋقىمى تالقىلانىپ, ۇيىمنىڭ سەسسياارالىق كەزەڭدەگى قىزمەتىنىڭ نەگىزگى قورىتىندىلارى شىعارىلادى», دەلىنگەن حابارلامادا.
سونىمەن قاتار, رەسەي تاراپى الداعى كەزەڭگە ارنالعان ءوز باسىمدىقتارىن ۇسىنباق.
بەكىتىلگەن روتاتسيا تارتىبىنە سايكەس, قىرعىزستان مەملەكەت باسشىلارىنىڭ قاراۋىنا ۇقشۇ باس حاتشىسى لاۋازىمىنا ءوز كانديداتىن ۇسىنادى.
حاتشىلىقتىڭ حابارلاۋىنشا, مەملەكەت باسشىلارىنىڭ قاراۋىنا ۇجىمدىق قاۋىپسىزدىكتى نىعايتۋدىڭ ءتۇرلى اسپەكتىلەرىن قامتيتىن اۋقىمدى قۇجاتتار پاكەتى ەنگىزىلەدى.
سامميت قورىتىندىسى بويىنشا الەمدەگى جانە ۇقشۇ جاۋاپكەرشىلىك ايماعىنداعى جاعدايعا باعا بەرىپ, وڭىرلىك بەيبىتشىلىك پەن تۇراقتىلىقتى نىعايتۋعا قاتىستى ۇستانىمداردى قامتيتىن ۇجىمدىق قاۋىپسىزدىك كەڭەسىنىڭ دەكلاراتسياسى قابىلدانادى دەپ جوسپارلانىپ جاتىر.
