تالقىلاۋعا سەنات توراعاسى ماۋلەن اشىمباەۆ باستاماشى بولدى. شاقىرىلعان قوناقتاردىڭ قاتارىندا ۇلتتىق بانك توراعاسى تيمۋر سۇلەيمەنوۆ, پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين جانە ەكونوميست ايدارحان قۇسايىنوۆ بار.
پالاتا سپيكەرى اتاپ وتكەندەي, جاڭا ەكونوميكالىق مودەل ىشكى سۇرانىسقا, الەۋمەتتىك تۇراقتىلىققا, ۇزاقمەرزىمدى وسۋگە باعدارلانۋىمەن ەرەكشەلەنەدى. ول قابىلدانعان شارالاردىڭ ىشىنەن بەنزين مەن ديزەل باعاسىن وسىرۋگە موراتوري جاريالاۋ, كوممۋنالدىق تاريفتەردى كوتەرۋگە تىيىم سالۋ, ارنايى سالىق رەجىمى بويىنشا شەكتەۋلەردى الىپ تاستاۋ, يپوتەكالىق باعدارلامالاردى قارجىلاندىرۋ, شوب-تى قولداۋ سياقتى ناقتى باستامالاردى ەرەكشە اتاپ ءوتتى. م.اشىمباەۆتىڭ ايتۋىنشا, بۇل باعىتتا ءارى قاراي ساپالى ترانسفورماتسيا جۇرگىزۋ ءۇشىن بارلىق مۇددەلى تاراپ ۇيلەسىمدى جۇمىس جۇرگىزۋى قاجەت.
«پرەزيدەنت قاسىم-جومارت توقاەۆتىڭ تاپسىرماسىمەن ۇكىمەت ازاماتتاردىڭ مۇددەلەرىن قورعاۋ ءۇشىن ەكونوميكالىق رەفورمالار باعدارلاماسى بويىنشا تۇزەتۋ شارالارىن ۇسىندى. مەملەكەت ينفلياتسيالىق قىسىمدى تومەندەتۋ جانە رەفورمالاردىڭ سالدارىن ازايتۋعا ناقتى قادامدار جاساپ جاتىر. بۇل رەتتە ىسكە اسىرىلىپ جاتقان باعدارلامالار قازىرگى جاعدايدى قولداپ قانا قويماي, ەكونوميكانىڭ ناقتى سەكتورلارىن, بانك جۇيەسىن جانە شاعىن بيزنەستى دامىتۋدى ىنتالاندىرۋعا ءتيىس», دەدى م.اشىمباەۆ.
سونىمەن قاتار قاتىسۋشىلار ەلدىڭ تۇراقتى جانە ساپالى ەكونوميكالىق ءوسۋىنىڭ نەگىزگى شارتتارىنا توقتالدى. ولار رەفورمالاردى الەۋمەتتىك ولشەۋمەن قاتار بيۋدجەت-سالىق ترانسفورماتسياسىنا, ارتاراپتاندىرۋعا جانە جاڭا ەكونوميكالىق ساياساتتىڭ رەسۋرستارىنا قاتىستى ماسەلەلەرگە ەرەكشە نازار اۋداردى.
«بۇگىندە كۇردەلى سىرتقى كونيۋنكتۋرا مەن قۇرىلىمدىق سىن-قاتەرلەرگە قاراماستان ەل ەكونوميكاسى سەنىمدى ءوسىپ كەلە جاتقانىن كورىپ وتىرمىز. دەگەنمەن ىشكى جالپى ءونىم كورسەتكىشتەرى, ينۆەستيتسيا قارقىنى نەمەسە ەكسپورت كولەمى – كارتينانىڭ ءبىر جاعى عانا. پرەزيدەنت اتاپ وتكەندەي, بۇل ءوسۋدى ءاربىر ازامات سەزىنۋگە ءتيىس. سوندىقتان جاڭا مۇمكىندىكتەر مەگاپوليستەردە عانا ەمەس, وڭىرلەردە دە قۇرىلىپ, ەكونوميكا ادامعا جۇمىس ىستەۋى كەرەك, كەرىسىنشە ەمەس. سوندىقتان رەفورمالارعا نازار بىرتىندەپ تسيفرلاردان قۇرالعان كورسەتكىشتەردەن – ءومىر ساپاسىنا, ادام كاپيتالىن دامىتۋعا جانە تۇراقتى ينستيتۋتتاردى قالىپتاستىرۋعا اۋىسۋدا. پرەزيدەنت ساياساتىنىڭ باسىمدىعى – وسى», دەدى م.اشىمباەۆ.
ايتا كەتەيىك, Taldau Talks – اشىق ديالوگكە ارنالعان پودكاست-پلاتفورما. وندا ەل دامۋىنىڭ وزەكتى ماسەلەلەرى جانە مەملەكەت باسشىسى جۇكتەگەن مىندەتتەردى ىسكە اسىرۋعا ارنالعان پراكتيكالىق قادامدار تالقىلانادى.
