الماتى — تاشكەنت اۆتوجولىنىڭ 219-شاقىرىمىندا پاترۋلدىك پوليتسيا جاساعى باعدار بويىنشا ىزدەۋدە جۇرگەن كولىككە ۇقسايتىن Audi اۆتوكولىگىن توقتاتقان.
تەكسەرۋ بارىسىندا كولىكتىڭ ارتقى ورىندىعىندا وتىرعان 44 جاستاعى ەر ادامنىڭ كورشى مەملەكەتتىڭ قۇقىق قورعاۋ ورگاندارى تاراپىنان بىرنەشە رەت, سونىڭ ىشىندە اسا ءىرى كولەمدەگى الاياقتىق دەرەگى بويىنشا ىزدەۋدە جۇرگەنى انىقتالدى.
كۇدىكتى زاڭ تالاپتارىنا سايكەس ۇستالىپ, كورداي اۋداندىق پوليتسيا بولىمىنە جەتكىزىلدى. كەيىننەن ول قىرعىز رەسپۋبليكاسى ميليتسياسىنىڭ وكىلدەرىنە رەسمي تارتىپپەن تاپسىرىلدى. ءتارتىپ ساقشىلارىنىڭ قىراعىلىعى مەن جەدەل ءىس-قيمىلىنىڭ ناتيجەسىندە اۋىر قىلمىسقا قاتىسى بار تۇلعا ۇستالىپ, ادىلدىك سالتانات قۇردى.
