فوتو: اشىق دەرەككوز
«قارجىلاندىرۋدىڭ بالاما تەتىكتەرىن دامىتۋ ءۇشىن امبەباپ بانكتەرگە قولدا بار ليتسەنزيا شەڭبەرىندە يسلامدىق بانك وپەراتسيالارىن جۇزەگە اسىرۋ قۇقىعىن بەرۋ كوزدەلەدى. بۇل نورمالار بانكتەرگە جەكە بانكتى قۇرماي-اق, ءوز قۇرىلىمىندا ارنايى بولىمشەلەر اشۋ ارقىلى يسلامدىق ونىمدەردى ۇسىنۋعا مۇمكىندىك بەرەدى», دەدى ءمادينا ابىلقاسىموۆا.
زاڭ جوباسىندا يسلامدىق بانكينگتى ۇيىمداستىرۋشىلىق تۇرعىدان وقشاۋلاۋ, اكتيۆتەر مەن مىندەتتەمەلەردى بولەك ەسەپكە الۋ جانە باسقارۋ, جەكە قىزمەتكەرلەردى ءبولۋ سەكىلدى قاعيدالار قامتىلعان. سونىمەن قاتار, ءاربىر بانك قۇرىلىمىندا شاريعات تالاپتارىنا سايكەستىكتى قاداعالايتىن كەڭەس پەن اۋديت جۇيەسى مىندەتتى تۇردە ەنگىزىلمەك.
بانكتەر تۋرالى جاڭا زاڭ جوباسىندا سونىمەن بىرگە تەحنولوگيالىق وزگەرىستەر مەن تسيفرلىق اكتيۆتەر اينالىمىن ىرىقتاندىرۋ, بانك سەكتورىنىڭ ەكونوميكانى قارجىلاندىرۋداعى ءرولىن كۇشەيتۋ جانە نارىققا جاڭا قاتىسۋشىلاردى تارتۋ ماسەلەلەرى دە قاراستىرىلعان.
جاڭا باستاما يسلامدىق بانكينگتىڭ ينۆەستيتسيالىق الەۋەتىن ارتتىرىپ, قارجىلاندىرۋ كوزدەرىن ارتاراپتاندىرۋعا جول اشپاق.
