ەكونوميكالىق ءوسىمنىڭ باستى ماڭىزى – ونىڭ حالىقتىڭ ءومىر ساپاسىنا اسەر ەتۋىندە.
سوڭعى جىلدارى قازاقستاندىقتاردىڭ ءومىر سالتى ەداۋىر وزگەردى. ىشكى تۋريزم كولەمى شامامەن 40 پايىزعا ارتىپ, 6,6 ميلليوننان 10,5 ميلليون ادامعا جەتتى. شەتەلگە شىققان ساپارلار سانى ءۇش ەسە كوبەيىپ, 1,19 ميلليون ادامدى قۇرادى.
كولىك سالاسىندا دا ءوسىم بايقالادى. اۋە تاسىمالىنىڭ كولەمى 14,4 ميلليون جولاۋشىعا جەتسە, تاكسي قىزمەتىنە سۇرانىس 35 پايىزعا ارتقان: 2018 جىلى 54,3 ميلليون ادام تاكسي پايدالانسا, 2024 جىلى بۇل كورسەتكىش 73,3 ميلليون ادامعا دەيىن وسكەن.
2020 جىلدان بەرى جىلجىمايتىن م ۇلىك يەلەرىنىڭ سانى 3,85 ميلليوننان 4,98 ميلليونعا دەيىن كوبەيدى. بۇل سوڭعى بەس جىلدا 1,13 ميلليون ادامنىڭ ءوز باسپاناسىن يەلەنگەنىن كورسەتەدى.
قازاقستاندىقتاردىڭ تۇرمىس ادەتتەرى مەن تۇتىنۋ مادەنيەتى وزگەرۋدە. ازاماتتار ساپالى تاعام تاڭداۋعا كوبىرەك كوڭىل ءبولىپ, ەت پەن جەمىس-جيدەك تۇتىنۋ كولەمىن ارتتىرعان.
الەۋمەتتىك وسال توپتارعا ارنالعان ازىق-ت ۇلىك سەبەتىنىڭ قۇرامى بۇرىنعى 20 اتاۋدان 43 پوزيتسياعا دەيىن كەڭەيتىلدى. بۇل حالىقتىڭ ازىق-ت ۇلىك قاۋىپسىزدىگىن قامتاماسىز ەتۋ جانە الەۋمەتتىك تەڭسىزدىكتى ازايتۋ باعىتىنداعى ماڭىزدى قادام بولدى.
قالالار مەن اۋىلداردا گازداندىرۋ, كوشە جارىعىن ورناتۋ, اۋلالاردى اباتتاندىرۋ جانە جولداردى جوندەۋ جۇمىستارى جۇرگىزىلۋدە. مۇنداي وزگەرىستەر اسىرەسە وڭىرلەردە ايقىن بايقالادى. بۇل تەك ينفراقۇرىلىمدىق جەتىستىك ەمەس, جاڭا ءومىر ساپاسىنىڭ نەگىزى سانالادى.
ەكونوميكالىق ءوسىم – ەل دامۋىنىڭ ماڭىزدى ينديكاتورى. دەگەنمەن بۇگىندە باستى نازار ساندىق ەمەس, ساپالىق وسىمگە باعىتتالۋى ءتيىس. ياعني, ول حالىقتىڭ تۇرمىس دەڭگەيىنىڭ ارتۋى, قىزمەت كورسەتۋ ساپاسى, ءبىلىم مەن كاسىپكەرلىك مۇمكىندىكتەرىنىڭ كەڭەيۋى, ينفراقۇرىلىمعا قولجەتىمدىلىك ارقىلى باعالانۋى قاجەت.
ساراپشىنىڭ پىكىرىنشە, ەكونوميكالىق ءوسىمنىڭ ناتيجەسى حالىقتىڭ كۇندەلىكتى ومىرىندە – كولىك, تۇتىنۋ جانە ينفراقۇرىلىم ارقىلى سەزىلە باستادى. ال ساپالى ءوسىم – تەك ساندارمەن ەمەس, تۇراقتى جۇمىس ورىندارى مەن قولجەتىمدى الەۋمەتتىك قىزمەتتەر ارقىلى كورىنەتىن جاڭا دامۋ كەزەڭى.
