فوتو: gov.kz
وقۋ-اعارتۋ مينيسترلىگىنىڭ مالىمەتىنشە, بيىل 157 مىڭ وقۋشى ورنىنا لايىقتالعان 105 جاڭا مەكتەپ پايدالانۋعا بەرىلگەن. ونىڭ ىشىندە 135 مىڭ بالاعا ارنالعان 71 مەكتەپ «كەلەشەك مەكتەپتەرى» ۇلتتىق جوباسى اياسىندا سالىنعان.
جاڭا مەكتەپتەردىڭ باسىم بولىگى تۇركىستان, ماڭعىستاۋ, الماتى, اقتوبە جانە جامبىل وبلىستارىندا اشىلعان.
اتالعان ۇلتتىق جوبا اياسىندا جالپى 460 مىڭ ورىنعا ارنالعان 217 زاماناۋي مەكتەپ سالۋ جوسپارلانعان, ونىڭ 40%-دان استامى اۋىلدىق جەرلەردە بوي تىكتەپ جاتىر.
جاڭا فورماتتاعى مەكتەپتەر بۇرىنعى تيپتىك مەكتەپتەردەن ەداۋىر ەرەكشەلەنەدى. ماسەلەن, جاڭا ۇلگىدەگى مەكتەپتەردىڭ جالپى اۋماعى 15-20%-عا ۇلكەن, ال تەحنيكالىق جابدىقتالۋ دەڭگەيى ءتورت ەسە جوعارى. ءار مەكتەپتە روبوتوتەحنيكا كابينەتتەرى, STEM-زەرتحانالار, حورەوگرافيا زالدارى, كوۆوركينگ ايماقتارى مەن تورتكە دەيىن سپورت زالى قاراستىرىلعان.
قازىر شاعىن قالالاردا, اۋدان ورتالىقتارىندا جانە اۋىلداردا ورنالاسقان 1000 مەكتەپ جاڭعىرتىلىپ جاتىر. باعدارلاما اياسىندا كۇردەلى جوندەۋ جۇمىستارىن جۇرگىزۋ, جيھازداردى جاڭارتۋ, كىتاپحانالار, اسحانالار مەن قاۋىپسىزدىك جۇيەلەرىن جاڭعىرتۋ قاراستىرىلعان.
كەلەسى كەزەڭدە مەكتەپتەردىڭ ينفراقۇرىلىمىن بىرىڭعاي زاماناۋي فورماتقا كوشىرۋ بويىنشا جۇمىستار جۇزەگە اسىرىلادى.
