فوتو: اشىق دەرەككوز
«قازان ايىندا ۇلتتىق قوردان 660 ملن اقش دوللارىنا ۆاليۋتا ساتىلدى. بۇل رەسپۋبليكالىق بيۋدجەتكە ترانسفەرتتەر ءبولۋدى, سونداي-اق «تالدىقورعان-ءۇشارال» ماگيسترالدىق گاز قۇبىرىن سالۋ بويىنشا ينفراقۇرىلىمدىق جوبانى قارجىلاندىرۋدى قامتاماسىز ەتۋگە مۇمكىندىك بەردى. ۇلتتىق قوردان ساتۋ ۇلەسى جالپى ساۋدا-ساتتىق كولەمىنىڭ 11%-ىن نەمەسە كۇنىنە شامامەن 30 ملن اقش دوللارىن قۇرادى», دەلىنگەن حابارلامادا.
ۇلتتىق بانك قاراشا ايىندا دا ۇلتتىق قوردان 600–700 ملن اقش دوللارىنا دەيىن ۆاليۋتا ساتۋدى جوسپارلاپ وتىر. بۇل رەتتە رەتتەۋشى ورگان نارىقتىق بەيتاراپ قاعيداتىن ۇستانىپ, شەتەل ۆاليۋتاسىن بىركەلكى جانە بولجامدى تۇردە ساتۋدى جالعاستىرادى.
«قازان ايىندا ۇلتتىق بانك ۆاليۋتالىق ينتەرۆەنتسيا جۇرگىزگەن جوق», دەلىنگەن رەسمي حابارلامادا.
كۆازيمەملەكەتتىك سەكتور سۋبەكتىلەرى وتكەن ايدا شامامەن 279 ملن اقش دوللارىن ساتقان. ال بىرىڭعاي جيناقتاۋشى زەينەتاقى قورىنىڭ ۆاليۋتالىق اكتيۆتەرىنىڭ ۇلەسى جوسپارعا سايكەس 40% دەڭگەيىندە ساقتالعاندىقتان, زەينەتاقى اكتيۆتەرى ەسەبىنەن ۆاليۋتا ساتىپ الۋ جۇزەگە اسىرىلمادى جانە قاراشادا دا جوسپارلانبايدى.
