وبلىستىق پوليتسيا دەپارتامەنتىنىڭ مالىمەتىنشە, اتالعان دەرەك بويىنشا قىلمىستىق ءىس قوزعالعان.
«كۇدىكتى – كەمەلەتكە تولماعان ءجاسوسپىرىم ۇستالىپ, ۋاقىتشا ۇستاۋ يزولياتورىنا قامالدى. سوت سانكتسياسىمەن وعان بۇلتارتپاۋ شاراسى رەتىندە قاماۋدا ۇستاۋ تۇرىندەگى شارا قولدانىلدى. قازىرگى ۋاقىتتا بولعان وقيعانىڭ ءمان-جايىن جان-جاقتى جانە وبەكتيۆتى انىقتاۋعا باعىتتالعان تەرگەۋ امالدارى جۇرگىزىلىپ جاتىر», – دەپ حابارلادى پوليتسيا دەپارتامەنتىنىڭ ءباسپاسوز قىزمەتى.
سونىمەن قاتار كۇدىكتىنىڭ زاڭدى وكىلدەرى كامەلەتكە تولماعان بالانى تاربيەلەۋ مىندەتتەرىن دۇرىس ورىنداماعانى ءۇشىن اكىمشىلىك جاۋاپكەرشىلىككە تارتىلعان.
پوليتسيا اتالعان ءىستىڭ تەرگەۋ بارىسى وبلىستىق دەپارتامەنت باسشىلىعىنىڭ ەرەكشە باقىلاۋىندا ەكەنىن اتادى.
ەسكە سالار بولساق, بۇعان دەيىن الماتى وبلىسىنىڭ قارعالى اۋىلىندا بىرنەشە ءجاسوسپىرىم جەتىم قىزعا زورلىق اركەتتەرىن جاساپ, ونى ۆيدەوعا تۇسىرگەن.
بۇل دەرەك بويىنشا قر قىلمىستىق كودەكسىنىڭ 124-بابىنىڭ 1-بولىگى («ون التى جاسقا تولماعان ادامعا كۇش قولدانباي ازعىندىق ارەكەتتەر جاساۋ») بويىنشا ءىس قوزعالىپ, تەرگەۋ كەزىندە ىسكە قاتىسى بار جەتى ءجاسوسپىرىم انىقتالعان.
