فوتو: shutterstock.com
ەكونوميكا ءوسىمىن نەگىزىنەن قۇرىلىس, كولىك جانە ساۋدا سالالارى قامتىعان. شيكىزات ءوندىرىسى سەكتورى مۇناي باعاسىنىڭ تومەندەۋى ءبىرشاما اسەر ەتكەنمەن, جوعارى ءوسىم قارقىنىن ساقتاي الىپ وتىر.
ينفلياتسيا جانە حالىقتىڭ ناقتى تابىسى
ينفلياتسيا قارقىنى جەدەلدەپ كەلەدى. بۇل ۇردىسكە تەڭگەنىڭ السىرەۋى, كوممۋنالدىق تاريفتەردىڭ ءوسۋى, ججم (جانار-جاعارماي ماتەريالدارى) باعاسىن رەتتەۋدەن باس تارتۋ, سونداي-اق يمپورتتىق ينفلياتسيالىق قىسىم اسەر ەتكەن. حالىقتىڭ ناقتى تابىسىنىڭ ءوسۋ قارقىنى باياۋ, ال بيۋدجەتتىك ىنتالاندىرۋ دا ءالسىز كۇيدە.
ينفلياتسيا بولجامى
AERC 2025 جىلعا ارنالعان ورتاشا جىلدىق ينفلياتسيا بولجامىن 11%-دان 11,5%-عا دەيىن تومەندەتتى. دەگەنمەن, ۇكىمەتتىڭ ينفلياتسيانى تەجەۋگە قاتىستى كەلەر جىلعى ءى توقسان سوڭىنا دەيىن توقتاتا تۇرۋى باعانىڭ تۇراقتالۋىنا اسەر ەتۋى مۇمكىن دەگەن ءۇمىت تە جوق ەمەس. وسىعان بايلانىستى, AERC 2026 جىلعا ارنالعان ورتاشا جىلدىق ينفلياتسيا دەڭگەيىن 8,6% دەپ بولجاپ وتىر.
ءجىو ءوسىمى جانە ماكروەكونوميكالىق بولجام
ۇكىمەتتىڭ وڭ باعالاۋى مەن 2025 جىلدىڭ العاشقى 9 ايىنداعى ناقتى كورسەتكىشتەردى ەسكەرە وتىرىپ, AERC 2025 جىلعا ارنالعان ءجىو ءوسىم بولجامىن جاقسارتتى:
• جيىنتىق ۇسىنىس مودەلى بويىنشا – 5%-دان 5,8%-عا دەيىن,
• جيىنتىق سۇرانىس مودەلى بويىنشا – 4,9%-دان 5,6%-عا دەيىن.
2026 جىلعا ەكى مودەل بويىنشا ەكونوميكالىق ءوسىمنىڭ كونسەنسۋس – بولجامى 4,3% دەڭگەيىندە بەلگىلەندى. بۇل ءوز كەزەگىندە ساۋدا شارتتارىنىڭ ناشارلاۋىن كورسەتەدى.
بيۋدجەت جانە تولەم بالانسى
مەملەكەتتىك بيۋدجەتتىڭ تاپشىلىعى جونىندەگى بولجام از – كەم مولشەردى جاقساردى – ءجىو-ءنىڭ (-) 2,5%-ىنان (-) 2,4%-ىنا دەيىن (شىلدەدەگى شولۋمەن سالىستىرعاندا). ال 2026 جىلعا ارنالعان تاپشىلىق بولجامى ءوسىپ, ءجىو-ءنىڭ (-) 3,2%-ىنا جەتەدى دەپ بولجانعان.
تولەم بالانسىنىڭ قازىرگى شوتىنىڭ تاپشىلىعى دا ايتارلىقتاي تۇزەتىلدى – ءجىو-ءنىڭ (-) 7,2%-ىنان (-) 3,6%-ىنا دەيىن جاقساردى. 2026 جىلعا قازىرگى شوت تاپشىلىعى ءجىو-ءنىڭ (-) 3,5%-ى دەڭگەيىندە بولجانىپ وتىر.
