كەشە الماتى قالاسىنىڭ ورتالىق قالالىق كلينيكالىق اۋرۋحاناسىنىڭ بازاسىندا قايتىس بولعان دونوردان, ياعني 1962 جىلعى ايەلدىڭ مايىتىنەن كوپ اعزالىق اعزالار الۋ پروتسەسى اتقارىلعان بولاتىن. دەنساۋلىق سالاسىنداعى ەرەكشە وقيعانىڭ ەندىگى جالعاسى - الماتىداعى ورتالىق قالالىق كلينيكالىق اۋرۋحاناسىنىڭ وفتولمولوگيا ءبولىمى مەڭگەرۋشىسى گۇلزات ءابدىرايىموۆا كۇردەلى كوز اۋرۋى سالدارىنان كورۋ قابىلەتى ناشارلاعان ەكى ناۋقاسقا كوزدىڭ قاساڭ قابىعىن اۋىستىرۋ وتاسىن ساتىمەن اتقارىپ وتىر.
كوزىنىڭ قاساڭ قابىعىن الماستىرۋ مۇمكىندىگىنە يە بولعان 1983 جىلعى ءبىرىنشى ناۋقاس بۇرىن كوزدىڭ ورتالىق قاساڭ قاباتىنا ەندەي كىرگەن جاراقات سالدارىنان كوزى كورمەي قالعان.
ەكىنشى ناۋقاسقا بۋلليوزدى كەراتوپوتياعا, قاساڭ قابىقتىڭ كۇردەلى وزگەرىسى, ياعني كوزدىڭ قاراۋىتۋى مەنكورۋ قابىلەتىنىڭ تومەندەۋىنە سەبەپ بولعان جاناما كەراتوپاتيا وتاسى جاسالعان.
ەكى وتا دا ءساتتى اياقتالدى. قاساڭ قابىققا جاسالعان وتادان كەيىن ەكى ناۋقاستىڭ دا كورۋ قابىلەتى جاقسارعان, ال ول ادام ءومىر ءسۇرۋ ساپاسىنا ايتارلىقتاي اسەر ەتەدى. دارىگەر گۇلزات ءابدىرايىموۆا قازىرگى تاڭدا قاساڭ قاباقتى اۋىستىرۋ قاساڭ قابىقتاعى كورۋ قابىلەتىن ناشارلاۋ سالدارىن جويۋعا مۇمكىندىك بەرەتىن بىردەن ءبىر وتا ەكەندىگىن ايتادى.
زاماناۋي ميكروحيرۋرگيالىق تەحنولوگيالار وسىنداي كۇردەلى وتالاردى اسقان دالدىكپەن جانە وتادان كەيىنگى اسقىنۋلارسىز اتقارۋعا جول اشىپ وتىر.
تاعى ءبىر توقتالا كەتەتىن ءجايت, بۇعان دەيىن ورتالىق قالالىق كلينيكالىق اۋرۋحانا بازاسىندا التى ناۋقاستىڭ ءومىرىن ساقتاپ قالۋعا كومەكتەسكەن مۋلتياعزالىق دونورلىق پروتسەسستەر جۇرگىزىلگەن ەدى.
بۇل ورتالىق قالالىق كلينيكالىق اۋرۋحاناداعى بيىل جاسالعان ەكىنشى قاساڭ قاباقتى اۋىستىرۋ وتاسى.
وسى ماۋسىم ايىندا جاناما كەراتوپلاستيكاعا جاسالعان وتا بۋلليوزدى كەراتوپاتيا جانە كوزدىڭ قاراۋىتۋىنان ارىلىپ, كورۋ قابىلەتىن قايتارۋعا مۇمكىندىك بەرگەن بولاتىن.
