ينۆەستيتسيا تارتۋ ارتادى

ينۆەستيتسيالىق ساياسات

بيزنەستىڭ ءبىرتۇتاس ەكوجۇيەسىن قالىپتاستىراتىن ينۆەستيتسيالىق ساياساتتىڭ 2029 جىلعا دەيىنگى تۇجىرىمداماسى جاڭارتىلعان. ينۆەستيتسيالىق شتاب قۇرىلعان, ۇلتتىق تسيفرلىق ينۆەستيتسيالىق پلاتفورما ىسكە قوسىلعان.

ەنگىزىلگەن «ينۆەستيتسياعا تاپسىرىس بەرۋ» قاعيداتى باسەكەلەستىك ارتىقشىلىقتاردى ەسكەرە وتىرىپ, وڭىرلىك جانە سالالىق ۇسىنىستاردى جاساقتايدى.

باسىم سالالارداعى قۇنى $60 ملن-نان اساتىن ينۆەستيتسيالىق جوبالار ءۇشىن قازاقستان زاڭناماسىنىڭ 25 جىل بويى تۇراقتى بولاتىنىنا كەپىلدىك بەرەتىن ينۆەستيتسيالار تۋرالى كەلىسىم جاساسۋ قاراستىرىلعان. 2024 جىلى وسىنداي 6 كەلىسىم, 2025 جىلى تاعى 21 كەلىسىم جاسالعان.

ارنايى ەكونوميكالىق جانە يندۋستريالىق ايماقتارعا ەرەكشە كوڭىل ءبولىنىپ وتىر, سونداي-اق اعىلشىن قۇقىعى قاعيداتى بويىنشا قىزمەت ەتەتىن, «جاسىل» جانە يسلامدىق قارجى قۇرالدارىن قولدايتىن  «استانا» حالىقارالىق قارجى ورتالىعى دا قارقىندى دامىپ جاتىر.

قازاقستاننىڭ ينۆەستيتسيالىق تارتىمدىلىعى

قازاقستان ورتالىق ازيا وڭىرىندەگى جەتەكشى ينۆەستيتسيالىق باعىتتاردىڭ ءبىرى رەتىندەگى مارتەبەسىن ساقتاپ قالا الدى. يۋنكتاد دەرەكتەرىنە سايكەس, 2024 جىلى تەڭىزگە شىعا المايتىن ەلدەرگە ارناپ جاريالانعان 5 greenfield-جوبانىڭ تورتەۋى قازاقستاندا جۇزەگە استى.

قازاقستانعا كەلگەن تىكەلەي شەتەلدىك ينۆەستيتسيا كولەمى $17,2 ملرد-تى قۇراعان, 45 جاڭا جوبا جۇزەگە اسىرىلىپ, 6 200 جۇمىس ورنى اشىلعان.

ينۆەستيتسيانىڭ نەگىزگى باعىتتارى:

تاۋ-كەن ءوندىرۋ ونەركاسىبى – $6,5 ملرد, 

وڭدەۋ ونەركاسىبى – $2,8 ملرد,

ساۋدا – $5,3 ملرد,

كاسىبي جانە  عىلىمي قىزمەت – $0,9 ملرد.

اسا ءىرى ينۆەستورلار: رەسەي ($4,1 ملرد), نيدەرلاندى ($3,8 ملرد), وڭتۇستىك كورەيا ($1,2 ملرد), بەلگيا ($1,2 ملرد), قىتاي ($1,2 ملرد).

2025 جىلدىڭ ءبىرىنشى جارتىجىلدىعىنىڭ قورىتىندىسى بويىنشا تىكەلەي شەتەلدىك ينۆەستيتسيالاردىڭ (تشي) جالپى اعىنى $10,1 ملرد قۇرادى, بۇل وتكەن جىلدىڭ سايكەس كەزەڭىمەن سالىستىرعاندا 1,1%-عا ارتىق.