اتالعان قۇجات اقپاراتتىق-كوممۋنيكاتسيالىق تەحنولوگيالار سالاسىنداعى قىلمىستارعا قارسى كۇرەستەگى حالىقارالىق ىنتىماقتاستىقتى نىعايتۋعا جانە جاھاندىق كيبەرقاۋىپسىزدىك دەڭگەيىن ارتتىرۋعا باعىتتالعان.
ىشكى ىستەر مينيسترلىگى كونۆەنتسيا جوباسىن ازىرلەۋ بارىسىندا ۇلتتىق مۇددەلەردى ۇستانا وتىرىپ, مەملەكەتتەر اراسىنداعى ءوزارا ءىس-قيمىلدىڭ ءتيىمدى تەتىكتەرىن قالىپتاستىرۋعا باعىتتالعان ۇسىنىستار ەنگىزىپ, بەلسەندى جۇمىس اتقاردى.
كونۆەنتسياعا قول قويۋ قازاقستاننىڭ تسيفرلىق قاۋىپسىزدىكتى قامتاماسىز ەتۋ, كيبەرقاتەرلەرگە قارسى ءىس-قيمىلدىڭ ۇلتتىق جۇيەسىن جەتىلدىرۋ جانە كيبەرقاۋىپسىزدىك سالاسىندا باسقا ەلدەرمەن ارىپتەستىكتى نىعايتۋ جونىندەگى مەملەكەتتىك ساياساتىن ىسكە اسىرۋداعى ماڭىزدى قادام بولدى.
كونۆەنتسياعا قوسىلۋ قازاقستانعا: • باسقا ەلدەرمەن ەلەكتروندىق دالەلدەمەلەرمەن جەدەل الماسۋعا; • ترانسشەكارالىق كيبەرقىلمىستاردى تەرگەۋ كەزىندە ءتيىمدى ءوزارا ءىس-قيمىل جاساۋعا; • ازاماتتاردى ينتەرنەت-الاياقتىقتان, كيبەرشابۋىلداردان جانە تسيفرلىق كەڭىستىكتەگى وزگە دە قاۋىپتەردەن قورعاۋعا مۇمكىندىك بەرەدى.
