سالتاناتتى ءىس-شاراعا پارلامەنت سەناتىنىڭ توراعاسى ماۋلەن اشىمباەۆ قاتىسىپ, ۇزدىك وتباسىلاردى قۇتتىقتادى. ءوز سوزىندە ول وتباسىلىق ينستيتۋتتى نىعايتۋ باعىتىندا مەملەكەت تاراپىنان جۇزەگە اسىرىلىپ جاتقان باستامالارعا توقتالدى.
«انا مەن بالانىڭ قۇقىقتارىن قورعاۋ, «ۇلتتىق قور – بالالارعا», «كەلەشەك مەكتەپتەرى» سەكىلدى كەشەندى جوبالار ەلىمىزدە وتباسى قۇندىلىقتارىنىڭ نىعايۋىنا جانە ازاماتتاردىڭ ءومىر ساپاسىن ارتتىرۋعا ىقپال ەتەدى دەپ سەنەمىز», دەدى ماۋلەن اشىمباەۆ.
بيىلعى «مەرەيلى وتباسى-2025» بايقاۋىندا ەلىمىزدىڭ تۇكپىر-تۇكپىرىنەن قاتىسقان 20 وتباسى جەڭىمپاز اتاندى.
بۇل اۋلەتتەر – ەڭبەگىمەن ەلگە ۇلگى بولىپ, ۇرپاق تاربيەسىندە ونەگە كورسەتىپ وتىرعان, بىرلىگى بەكەم, باق-بەرەكەسى جاراسقان وتباسىلار.
بايقاۋ جەڭىمپازدارىنا ارنايى سىيلىقتار مەن ديپلومدار تابىستالدى. «مەرەيلى وتباسى» جوباسى جىل سايىن ەل ىشىندەگى تاتۋلىق پەن رۋحاني بىرلىكتى نىعايتۋعا باعىتتالعان ماڭىزدى باستاما رەتىندە جالعاسىپ كەلەدى.
