بايقاۋدىڭ باستى ماقساتى – مەملەكەتتىك ءتىلدىڭ ەتنوسارالىق قاتىناس ءتىلى رەتىندەگى ءرولىن كۇشەيتۋ, جاستار اراسىندا دوستىق پەن تاتۋلىقتى دارىپتەۋ جانە قازاق تىلىنە دەگەن قىزىعۋشىلىقتى ارتتىرۋ.
ەلىمىزدىڭ تۇكپىر-تۇكپىرىنەن كەلگەن 14-35 جاس ارالىعىنداعى تالانتتى جاستار ءۇش نوميناتسيا – حالىق اندەرىن ورىنداۋ, كوركەمسوز وقۋ جانە ەسسە جازۋ بويىنشا باق سىناستى.
ناتيجەسىندە باس بايگە يەگەرلەرى انىقتالدى. «حالىق اندەرىن ورىنداۋ» نوميناتسياسى بويىنشا شىمكەنت قالاسىنان كەلگەن اكرام يريسمەتوۆ ۇزدىك اتاندى. «كوركەمسوز وقۋ» باعىتىندا جاركەنت قالاسىنىڭ نامىسىن قورعاعان مارحابا اسانوۆا جەڭىمپاز بولدى. ال «ەسسە جازۋ» نوميناتسياسىندا پاۆلودار قالاسىنان كەلگەن السۋ راحماتۋللينا وزىق شىقتى.
جەڭىمپازدار ديپلومدارمەن جانە اقشالاي سىيلىقتارمەن ماراپاتتالدى. جالپى جۇلدە قورى – 3 ميلليون تەڭگە.
بايقاۋ بارىسىندا وزگە ەتنوس جاستارىنىڭ مەملەكەتتىك تىلدە ەركىن سويلەۋى مەن ونەر كورسەتۋى قازاق ءتىلىنىڭ بىرلىك پەن ءوزارا تۇسىنىستىك قۇرالى رەتىندەگى ماڭىزىن ايقىن كورسەتتى.
ايتا كەتەيىك, بۇل جوبا جوباسى قازاقستان رەسپۋبليكاسى مادەنيەت جانە اقپارات مينيسترلىگىنىڭ قولداۋىمەن جۇزەگە اسىرىلىپ كەلەدى.
