فوتو: قىرمىزى جۇماعاليقىزى
بۇگىن استانا قالاسىنداعى Astana Ballet تەاترىندا داستۇرگە اينالعان «مەرەيلى وتباسى – 2025» ۇلتتىق بايقاۋىنىڭ جەڭىمپازدارىن ماراپاتتاۋ سالتاناتى ءوتتى. سالتاناتتى جيىندا پارلامەنت سەناتىنىڭ توراعاسى ماۋلەن اشىمباەۆ جەڭىمپاز وتباسىلاردى ارنايى قۇتتىقتاپ, لاۋرەاتتارعا ماراپات تابىس ەتتى.
«قازاق – قاشاندا وتباسىن قاسيەتتى ۇعىم ساناعان حالىق. وتباسىنىڭ بەرىكتىگى مەن ىنتىماعى – ۇلتتىڭ بىرلىگى مەن تۇراقتىلىعىنىڭ كەپىلى. سوندىقتان اتا-انانى ارداقتاۋ, تۋىستىق قاتىناستاردى نىعايتۋ سياقتى قۇندىلىقتار ۇلت مادەنيەتىنىڭ وزەگىنە اينالدى. قازىرگى تاڭدا پرەزيدەنتىمىز قاسىم-جومارت كەمەل ۇلى توقاەۆتىڭ تاپسىرماسىمەن وسى ساباقتاستىقتى ءارى قاراي ساقتاۋ ءۇشىن اۋقىمدى جۇمىس اتقارىلىپ كەلەدى. بۇل رەتتە وتباسى ينستيتۋتىن نىعايتۋعا, انا مەن بالانى قورعاۋعا جانە قوعامدا دۇرىس قۇندىلىقتار جۇيەسىن ناسيحاتتاۋعا باسا ءمان بەرىلىپ وتىر.مەملەكەت باسشىسى بيىلعى جولداۋىندا دا وتباسىلاردى قولداۋعا, انا مەن بالانىڭ قۇقىقتارىن قورعاۋعا ارنالعان ماڭىزدى مىندەتتەر جۇكتەدى. بۇل الەۋمەتتىك باستامالاردىڭ ءبارى ەلىمىزدە وتباسىقۇندىلىقتارىنىڭ نىعايۋىنا جانە ازاماتتاردىڭ ءومىر ءسۇرۋ ساپاسىن جاقسارتۋعا ىقپال ەتەدى دەپ سەنەمىز», دەدى ماۋلەن اشىمباەۆ.
سونىمەن قاتار سەنات توراعاسى ءوز سوزىندە ۇلتتىڭ جاڭا ساپاسىن قالىپتاستىرۋدا وتباسى ينستيتۋتىنىڭ ماڭىزدى ءرولىن اتاپ ءوتتى. ونىڭ ايتۋىنشا, «مەرەيلى وتباسى» جوباسى – ۇرپاقتار ساباقتاستىعىن ساقتاۋ مەن ۇلتتىق رۋحتى دارىپتەۋدىڭ ايقىن الاڭى. سونداي-اق «ۇلتتىق قور – بالالارعا», «كەلەشەك مەكتەپتەرى» سياقتى جوبالار قوعامنىڭ بولاشاعىنا باعىتتالعان كەشەندى ىستەردىڭ ءبىرى ەكەنىن دە تىلگە تيەك ەتتى. سونداي-اق, سالتاناتتى كەشتە ماۋلەن اشىمباەۆ قاتىسۋشىلارعا ازاماتتىق جاۋاپكەرشىلىكتىڭ وزىق ۇلگىسىن كورسەتءىپ, ادامگەرشىلىك جانە وتباسىلىق قۇندىلىقتاردى دارىپتەۋگە ۇلكەن ۇلەس قوسقانى ءۇشىن ريزاشىلىق ءبىلدىردى.
«مەرەيلى وتباسى – 2025» بايقاۋىندا ەلىمىزدىڭ تۇكپىر-تۇكپىرىنەن كەلگەن 20 وتباسى جەڭىمپاز اتاندى. ولاردىڭ قاتارىندا: اقمولا وبلىسىنان كەلگەن شىعارماشىلىق وتباسى – مەكەباەۆتار, الماتى وبلىسىنان كەلگەن قولونەرشىلەر اۋلەتى – بەكدايىرلار, اقتوبە وبلىسىنان كەلگەن تورەمۇراتوۆتار, اباي وبلىسىنان سىدىقباەۆتار بار. رەسپۋبليكالىق ماڭىزى بار استانا, الماتى جانە شىمكەنت قالالارىنىڭ جەڭىمپازدارى سايكەسىنشە,ايتقوجيندەر, دۇيسەباەۆتار جانە نۇرتاەۆتار وتباسىلارى. ال, باتىس قازاقستان وبلىسىنان سۇيىنعاروۆتار وتباسى ۇزدىك دەپ تانىلدى. قاراعاندى وبلىسىنىڭ ءۇلگىلى وتباسى بولىپ كەنشىلەر اۋلەتى – كليۋچنيكوۆتار اتاندى. سولتۇستىك قازاقستاننان مەحانيزاتورلار وتباسى – وزبەكوۆتەر, اتىراۋ وبلىسىنان تەمىرجولشىلار وتباسى – وتەپوۆتەر, قوستانايدان جۇمىسشىلار وتباسى – ەگەمبەرديەۆتەر, جامبىلدان تەمىرجولشىلار اۋلەتى – بەكتاسوۆتار جەڭىمپاز دەپ تانىلدى. سونىمەن بىرگە جەتىسۋ وبلىسىنان مادەني جانە سپورتتىق مۇرانى ناسيحاتتاۋعا ۇلەس قوسىپ جۇرگەن بەكتەنوۆتەر وتباسى, پاۆلودار وبلىسىنان شاحتەرلەر اۋلەتى – تۇرسىنباەۆتار, ۇلىتاۋ وبلىسىنان اگرارشىلار وتباسى – قاپباسوۆتار, قىزىلوردا وبلىسىنان ەڭبەك ءسىڭءىرگەن جۇمىسشىلار وتباسى – ءابسادىقوۆتار, ماڭعىستاۋ وبلىسىنان قوعام قايراتكەرلەرى جانە شارۋالار اۋلەتى – شولتامانوۆتار, تۇركىستان وبلىسىنان اگرونومدار وتباسى – مولدابەكوۆتەر جانە شىعىس قازاقستان وبلىسىنان عۇمىر جولىن تابيعاتتى قورعاۋعا ارناعان جاقىپوۆتار وتباسىلارى بار. بۇل شاڭىراقتاردىڭ بارلىعى ءوز وڭىرىندە ەڭبەگىمەن تانىلعان, ۇلت رۋحىن اسقاقتاتۋعا ۇلەس قوسقان ونەگەلى اۋلەتتەر.
بيىلعى بايقاۋدا باس جۇلدەنى يەلەنگەن اقمولا وبلىسىنىڭ مەكەباەۆتار اۋلەتى ەڭبەگىمەن ەلگە ونەگە, ۇرپاق تاربيەسىندە ۇستازدىق جولدى تەمىرقازىق ەتكەن جانۇيا.
«مۇندا ءبىزدىڭ كەلگەن ماقساتىمىز – وسى ەڭبەگىمىزدىڭ ناتيجەسىن كورۋ. وتباسىمدا توعىز بالام بار: بەس ۇلىم, ءتورت قىزىم, بەس كەلىنىم, 30 نەمەرەم جانە 3 شوبەرەم بار. ءبارىمىز باقىتتى, باياندى عۇمىر كەشىپ كەلەمىز. ۇرپاقتارىمنىڭ كوبى ۇستاز», دەيدى اۋلەتتىڭ اقساقالى.
ونىڭ ايتۋىنشا, اۋلەتتىڭ ەڭ باستى ەرەكشەلىگى – ۇستازدىق رۋح پەن ۇلتتىق قاعيدانى بەرىك ۇستانۋ.
ء«بىز قازاق بولعان سوڭ قازاقشا سويلەپ, ادەت-عۇرپىمىزدى ساقتاۋ – پارىزىمىز. ۇرپاعىمىزدى سانالى, دانالى قازاق بولىپ وسىرۋگە بار كۇشىمىزدى سالامىز. بۇل بايقاۋعا قاتىسۋ بۇكىل جانۇيامىزدىڭ ورتاق شەشىمى بولدى. ۇل-قىزدارىمنىڭ التاۋى – مۇعالىم. كەلىندەرىم دە جوعارى ساناتتاعى ۇستازدار. ال ەڭ باستىسى ءبارىمىز تاتۋ-ءتاتتى, بىرلىكتە ءومىر ءسۇرىپ جاتىرمىز»,دەيدى ول.
مەكەباەۆتار وتباسى وبلىستىق كەزەڭدە ۇمىتكەرلەردىڭ اراسىنان سۋىرىلىپ شىعىپ, بىرلىك پەن بىلىمگە دەگەن ادالدىقتىڭ ارقاسىندا جەڭىمپاز اتانعان.
«مەرەيلى وتباسى» ۇلتتىق بايقاۋى جىل سايىن ەل ىشىندە ونەگەلى ءومىر سالتىن دارىپتەپ, ۇرپاق ساباقتاستىعىن نىعايتۋعا زور ۇلەس قوسىپ كەلەدى. وسىنداي جوبالار ارقىلى قوعامدا وتباسى قۇندىلىعىنىڭ ءمانى ارتىپ, ءار شاڭىراقتىڭ جاۋاپكەرشىلىگى مەن ىنتىماعى تەرەڭدەي تۇسەدى.
