سوندىقتان رەسپۋبليكا كۇنى – مەملەكەتتىلىكتىڭ, زاڭ ۇستەمدىگىنىڭ جانە دەموكراتيالىق قۇندىلىقتاردىڭ سالتانات قۇرعان كۇنى. ماڭىزدى داتا ءار ازاماتقا ءوزىنىڭ ەل الدىنداعى جاۋاپكەرشىلىگىن, وتان تاعدىرىنا دەگەن ۇلەسىن تەرەڭ سەزىنۋگە شاقىرادى. بۇل – تاريحىمىزدى جاڭاشا پايىمداپ, ەلدىكتىڭ نەگىزىن قالاعان تۇلعالارعا تاعزىم ەتەتىن, ۇلتتىڭ رۋحىن اسقاقتاتاتىن ۇلتتىق مەرەكە.
ەل پرەزيدەنتى قاسىم-جومارت توقاەۆ اتاپ وتكەندەي, «رەسپۋبليكا – ءبىزدىڭ تاۋەلسىزدىگىمىزدىڭ باستاۋى, ەلدىك پەن ەگەمەندىكتىڭ بەلگىسى». دەمەك بۇل مەرەكە ۇلتتىڭ ساناسىندا مەملەكەتشىل رۋحتى كۇشەيتىپ, بولاشاققا نىق سەنىممەن قادام باسۋعا جىگەر بەرەدى.
وسى قۇندىلىقتاردى جۇزەگە اسىرۋدا قازاقستان حالقى اسسامبلەياسى ماڭىزدى ميسسيا اتقارادى. اسسامبلەيا – قوعامدىق كەلىسىم مەن جالپىۇلتتىق بىرلىكتىڭ ىرگەلى ينستيتۋتى رەتىندە ەلدەگى تۇراقتىلىق پەن ءوزارا سىيلاستىق مادەنيەتىن نىعايتىپ كەلەدى.
بۇگىندە قحا باستامالارى قوعامنىڭ بارلىق سالاسىندا – بىلىمدە, مادەنيەتتە, ازاماتتىق قوعام مەن جاستار ساياساتى باعىتىندا تاتۋلىق پەن بەيبىتشىلىك قاعيداتىن ورنىقتىرىپ وتىر.
اسسامبلەيا قىزمەتىنىڭ وزەگى – ءار ەتنوس وكىلىن ورتاق وتانىنا دەگەن سۇيىسپەنشىلىك پەن جاۋاپكەرشىلىك قۇندىلىعى اياسىندا بىرىكتىرۋ. بۇل – پرەزيدەنت ايقىنداعان «ادىلەتتى قازاقستان» تۇجىرىمداماسىمەن ۇندەس ماقسات. ياعني رەسپۋبليكا كۇنىنىڭ ەل بىرلىگىن, بەيبىتشىلىك يدەياسىن جاڭعىرتاتىن رۋحاني ءمانى بار.
شەرزود پۋلاتوۆ,
قحا-نىڭ رەسپۋبليكالىق ەتومەدياتسيا كەڭەسىنىڭ توراعاسى,
پرەزيدەنت جانىنداعى ۇلتتىق قۇرىلتاي مۇشەسى
