شەت مەملەكەتتەردەن العاشقى 13 بايقاۋشىنى اككرەديتتەدى

2015 جىلعى 20 ناۋرىزدا ورتالىق سايلاۋ كوميسسياسى «2015 جىلعى 26 ساۋىرگە تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا شەت مەملەكەتتەردىڭ بايقاۋشىلارىن اككرەديتتەۋ تۋرالى» قاۋلى قابىلدادى. وسى قاۋلىعا ساي ورتسايلاۋكوم قازاقستان رەسپۋبليكاسى سىرتقى ىستەر مينيسترلىگىنىڭ ۇسىنۋى بويىنشا التى شەت مەملەكەتتەن 13 بايقاۋشىنى اككرەديتتەدى. ولاردىڭ ىشىندە ەكى-ەكىدەن – گەرمانيا فەدەراتيۆتىك رەسپۋب­ليكا­سىنان, گرۋزيا مەن يزرايل مەملە­كەتىنەن, ءۇش-ۇشتەن – نيدەر­لاند كورولدىگى مەن حورۆاتيا رەسپۋبليكاسىنان, بىرەۋى – ەستونيا رەسپۋبليكاسىنان. شەت مەملەكەتتەر مەن حالىق­ارالىق ۇيىمداردىڭ بايقاۋ­شى­لارىن اككرەديتتەۋدى ورتسايلاۋكوم 2015 جىلعى 20 ساۋىرگە دەيىن ءجۇ­زەگە اسىراتىن بولادى. وتىرىستىڭ شەڭبەرىندە ورتسايلاۋكوم مۇشەسى ت. وحلوپكوۆا ورتالىق سايلاۋ كوميسسياسى سايلاۋ پروتسەسىنىڭ جاريالىلىعى مەن اشىقتىعىن قامتاماسىز ەتۋ بويىنشا بەلسەندى جۇمىس جۇرگىزىپ وتىرعانىن اتاپ كورسەتتى. سونداي-اق, ول «بۇل تەك باسى عانا. قازاقستان رەسپۋبليكاسى پرە­زيدەنتىنىڭ كەزەكتەن تىس سايلاۋى­نىڭ بارىسىن بايقاۋعا قاتىساتىن حالىقارالىق بايقاۋشىلاردىڭ سانى بۇدان ءارى ارتا بەرمەك, ويتكەنى سايلاۋ ناۋقانىنا قىزىعۋشىلىق جوعارى», دەپ اتاپ ءوتتى. «ەگەمەن-اقپارات».