فوتو: اشىق دەرەككوز
يزرايل ليۆاننىڭ وڭتۇستىگىندەگى نەباتيا, سايدا, ماردجايۋن جانە بينت كۋبەيل قالالارىنا, سونداي-اق ەلدىڭ شىعىسىنداعى بەكاا وڭىرىندەگى باالبەك قالاسىنا سوققى بەردى. اۋە شابۋىلدارى كەزىندە كارەرلەر مەن تسەمەنت زاۋىتتارى زاقىمدانعان.
سونداي-اق اسكەري ۇشاقتار نەباتيا ماڭىنداعى رۋمين مەن حۋمين اراسىنداعى ايماقتى نىساناعا السا, ۇشقىشسىز ۇشۋ اپپاراتى فەۆكا قالاسىنىڭ سولتۇستىگىندەگى الي-ەت-تاحير توڭىرەگىنە سوققى جاساعان. سايدا ماڭىنداعى بەنافۋل اۋىلىنا ەكى, ال سارافاند پەن بەيساريا اراسىنداعى حەربە دۋۆەير ايماعىنا ءبىر اۋە سوققىسى باعىتتالدى.
ءيزرايلدىڭ دروندارى شاركيا مەن كۋسريا ەس-ساياد اۋىلدارىنىڭ اراسىنداعى جولعا باسقارىلاتىن زىمىرانمەن شابۋىل جاساپ, جولدا ۇلكەن كراتەر قالدىرعان.
2023 جىلدىڭ قازان ايىندا باستالعان يزرايل مەن ليۆان اراسىنداعى قاقتىعىس 2024 جىلدىڭ قىركۇيەگىندە كەڭ اۋقىمدى سوعىسقا ۇلاسقان.. قانتوگىس سالدارىنان 4000-نان استام ادام قازا تاۋىپ, 17 مىڭعا جۋىق ادام جارالانعان, 19 ادام تۇتقىندالعان.
وتكەن جىلى قاراشادا حەزبوللا مەن يزرايل اراسىندا اتىستى توقتاتۋ جونىندە كەلىسىم جاسالعانىمەن, يزرايل بۇل شارتتى 4500 رەتتەن استام بۇزىپ, جۇزدەگەن بەيبىت تۇرعىننىڭ ءومىرىن قيدى جانە جارالانۋىنا سەبەپ بولدى.
