قازاقستاندا اۆيابيلەتتەر باعالارى ارزاندايدى

استانا. 19 اقپان. قازاقستاندا اۆيابيلەتتەر باعالارى ارزاندايتىن بولادى. بۇل تۋرالى ينۆەستيتسيا جانە دامۋ ءمينيسترىنىڭ ورىنباسارى جەڭىس قاسىمبەكتىڭ سوزىنە سىلتەمە جاساعان Tengrinews.kz ءتىلشىسى حابارلادى. «ءبىز وتكەن اپتادا نەگىزگى وپەراتورلارمەن كەڭەس وتكىزىپ, ولارعا ءبىر اپتانىڭ ىشىندە اۆيابيلەتتەر باعالارىن تومەندەتۋ جونىندە ۇسىنىس بىلدىردىك», - دەپ ءتۇسىندىردى قاسىمبەك. ونىڭ ايتۋىنشا, «ەير استانا» ىشكى رەيستەردىڭ باعالارىن تومەندەتەتىن بولادى. «بىردەن اشىپ ايتايىن, SCAT كومپانياسى دا باعانى تومەندەتەدى. ولار بىزگە وسىعان بايلانىستى ەسەپتەرىن بەرەدى. كەروسيننىڭ باعاسى ايتارلىقتاي ارزانداپ كەتتى. ءبىز ەندى وسىلارعا قاراي كەلىپ, «ەير استانانىڭ» بيلەت باعاسىن 30 پايىزعا, SCAT-تىڭ 38 پايىزعا ارزانداتۋىن تالاپ ەتەمىز», - دەدى ۆيتسە-مينيستر. سونىمەن قاتار, ج.قاسىمبەك تەمىرجول بيلەتتەرىنىڭ باعالارى وزگەرىسسىز قالاتىنىن ايتتى. بۇدان باسقا, اكىمدىكتەرگە جەرگىلىكتى قوعامدىق كولىكتەردە ءجۇرۋ باعالارىن ارزانداتۋ ماسەلەسىن قاراۋ ۇسىنىلعان. مۇرات ايتقوجا.