“التىن ساپا” — حالىقارالىق باسەكەلەستىكتىڭ بەلەسى

قازاقستان رەسپۋبليكاسىنىڭ يندۋستريا جانە جاڭا تەحنولوگيالار مينيسترلىگى تەحنيكالىق رەتتەۋ جانە مەترولوگيا كوميتەتىنىڭ قىزىلوردا وبلىسى بويىنشا دەپارتامەنتى جانە “قازاقستان ستاندارتتاۋ جانە سەرتيفيكاتتاۋ ينستيتۋتى” رمك قىزىلوردا وبلىسى بويىنشا وكىلدىگىنىڭ ۇيىمداستىرۋىمەن قازاقستان رەسپۋبليكاسى پرەزيدەنتىنىڭ “التىن ساپا” سىيلىعىن الۋعا ارنالعان وڭىرلىك سەمينار وتكىزىلدى. سەميناردىڭ نەگىزگى ماقساتى جەرگىلىكتى مەملەكەتتىك باعدارلامامەن قوعامدىق مەكە­مە­لەر, شاعىن جانە ورتا كاسىپ وكىلدەرىنىڭ اراسىندا مەنەدجمەنت جۇيەسىندە مەملەكەتتىك ساياساتىن, سونىمەن قاتار قازاقستان رەسپۋبليكاسى پرەزيدەنتىنىڭ “التىن ساپا” سىيلىعىن الۋعا ارنالعان كونكۋرسى جانە “قازاقستاننىڭ ەڭ ۇزدىك تاۋارلارى” كورمە-كونكۋرستارىن كەڭىنەن ناسيحاتتاۋ; بەك اۋماعىندا كەدەندىك وداقتى قۇرۋ پروتسەسىن بارلىق قوعام وكىلدەرىنە اقپاراتتاندىرۋ, سونىمەن قاتار ولاردىڭ تەحنيكالىق رەتتەۋ جانە مەنەدجمەنت جۇيەسى سالاسىندا ءبىلىم دەڭگەيىن كوتەرۋ بولدى. سەميناردى تەحنيكالىق رەتتەۋ جانە مەترو­لوگيا كوميتەتى توراعاسىنىڭ ورىن­باسارى ت.ا.مومىشەۆ اشىپ, قىزىلوردا وبلىسى اكىمىنىڭ كەڭەسشىسى ە.ءۋايس ءوز سوزىندە باسەكەلەستىككە قابىلەتتى, جوعارعى ساپالى وتاندىق ونىمدەردى وندىرۋگە جاردەمدەسۋ جانە قازاقستاننىڭ تۇتىنۋ رىنوگىن ساپالى وتاندىق تاۋارلارمەن قامتاماسىز ەتۋ ماق­سا­تىندا قازاقستان رەسپۋبليكاسى پرەزيدەنتى­نىڭ “التىن ساپا” سىيلىعىن الۋعا ارنالعان كونكۋرسى جانە “قازاقستاننىڭ ەڭ ۇزدىك تاۋار­لارى” كورمە-كونكۋرستارىن وتكىزۋ ءجونىن­دە ءىس-شارالار جۇرگىزىلىپ جاتقاندىعىن كەڭىنەن اڭگىمەلەدى. تەحنولوگيالىق رەتتەۋ جانە مەترولوگيا كوميتەتىنىڭ سايكەستىكتى باقىلاۋ جانە مەترو­لوگيا باسقارماسى باستىعى گ-ب.و.مەيىرباەۆا “التىن ساپا – جەتىلدىرۋ جانە  بيزنەستى باسقارۋ قۇرالى” اتتى بايانداماسىندا سوڭعى جىلدارى ەلىمىزدە كوپتەگەن مەكەمەلەر مەن كاسىپ­ورىندار ساپا مەنەدجمەنت جۇيەسىن ءوز وندىرىستەرىنە ەنگىزۋ جۇمىستارى قارقىندى جۇرگىزىلۋدە ەكەنىن ايتا كەلە, قازاقستاندىق كاسىپورىنداردىڭ حالىقارالىق ستاندارتتارعا جەدەلدەتىپ ءوتۋ جونىندە قويىلعان ۇكىمەت تاپ­سىرمالارى حالىقارالىق مەنەدجمەنت جۇيەسىن ەندىرۋدە وڭتايلى شەشىمىن تابۋدا ەكەنىن بايان ەتتى. ەلىمىزدە حالىقارالىق ستان­دارتتاردى ەن­گىزۋ ءۇشىن قاجەتتى ينفراقۇ­رى­لىم, نورماتيۆتىك جانە ادىستەمەلىك بازا قالىپتاسقان. بۇگىنگى تاڭدا, ەلىمىز بويىنشا حالىق­ارالىق ستاندارتتار مەن ادىستەمەلەر نەگىزىندە 45 مەملەكەتتىك ستاندارت جانە 15 ادىستەمەلىك ۇسىنىستار قابىلداندى. جالپى قابىلدانعان حالىقارالىق ستاندارتتار: يسو 9000 (ساپا مەنەدجمەنت جۇيەسى), يسو 22000 (ونىمدەردىڭ قاۋىپسىزدىك مەنەدجمەنتى), وحSAS 18001 (كاسىپتىك قاۋىپسىزدىك جانە ەڭبەكتى قورعاۋ ستاندارتى), SA 8000 الەۋمەتتىك جاۋاپكەر­شىلىك ستاندارتى نورماتيۆتىك قۇجاتتارى قا­زاقستان رەسپۋبليكاسىنىڭ ۇلتتىق (مەملەكەت­تىك) ستاندارتتارى رەتىندە قابىلداندى. حالىقارالىق يسو 9000 ساپا مەنەدجمەنتى جۇيەسىن وندىرىسكە ەنگىزۋ 2007 جىلمەن سالىس­تىرعاندا ەكى ەسەگە ءوسىپ, قازىرگى ۋاقىتتا 2681 كاسىپورىن حالىقارالىق ستاندارتتاردى ەن­گىزسە, 230 كاسىپورىن حالىقارالىق ستاندارت­تاردى ەنگىزۋ جونىندە جۇمىستارىن جۇرگىزۋدە. “قازاقستاننىڭ ەڭ ۇزدىك تاۋارلارى” رەس­پۋبليكالىق كورمە-كونكۋرسىنا 16 وبلىستان اۋماقتىق كونكۋرستاردىڭ 9 جەڭىمپازى, بارلىعى 144 مەكەمە قاتىسادى دەپ كۇتىلۋدە. كونكۋرستىڭ ۇيىمداستىرۋشىسى قازاقستان رەس­پۋبليكاسى يندۋستريا جانە جاڭا تەحنو­لوگيالار مينيسترلىگىنىڭ تەحنيكالىق رەتتەۋ جانە مەترولوگيا كوميتەتىنىڭ قىزىلوردا وبلىسى بويىنشا دەپارتامەنتى بولىپ تابىلادى. – قازىرگى تاڭدا قازاقستاننىڭ الدىندا ەكونوميكانى يندۋستريالاندىرۋ مەن وتان­­­­دىق تاۋار وندىرۋشىلەرگە ەڭ جاقسى جاعداي جاساۋ مىندەتى تۇر. العا قويىلعان مىندەتتى شەشۋ ءۇشىن تەحنيكالىق رەتتەۋدىڭ تۇتقاسى رەتىندە ستاندارتتاۋدى ءتيىمدى قولدانۋ ۇلكەن مانگە يە. بۇل جونىندە ەلباسى ءوزىنىڭ جول­­داۋىن­­دا “قازاقستاننىڭ حالىقارالىق ەكو­نومي­­كا­لىق الاڭدا باسەكەلەستىككە تولىققان­دى قاتىسۋى حالىقارالىق تەحنيكالىق ستان­­دارتتاردى ورىنداۋدى قاجەت ەتەدى” دەپ اتاپ وتكەن بولاتىن. سىزدەردى, ءونىمدى دايىنداۋشى جانە تۇتىنۋشىلار جانە بارلىق باسقا دا مۇددەلى تالاپتاردى جۇمىسقا قوسىلۋ­­لارى­ڭىزدى جانە بەلسەندى قاتىسۋلارىڭىزدى سۇراي­مىز. ستان­دارتتاۋ ىقپالىن كۇشەيتۋ, دالىرەك ايتقاندا, ۇيلەستىرىلگەن ستاندارت­تار­­­دىڭ ۇلەسىن ارتتىرۋعا ۇمتىلۋ – ناقتى قاجەت­­­تىلىك بولۋعا ءتيىس جانە رىنوكتا, تەڭ قۇقىلى سەرىكتەستىككە ەكونوميكالىق پايدا كورۋگە, رىنوكتا ءونىم­نىڭ ءوتۋىن كەڭەيتۋ كىلتى بو­­لاتىنىن اتاپ وتكىم كەلەدى. سونىمەن قاتار كەز كەلگەن ۋاقىتتا جانە كەز كەلگەن رىنوكتا باعالاناتىن ءبىر­دەن-ءبىر ەكونومي­­­كالىق شاما-ءونىمنىڭ جانە كورسەتىلەتىن قىزمەتتىڭ ساپاسى, قاۋىپسىزدىگى جانە قۇندى­­­لىعى بولاتىنىن ۇنەمى ەسكەرۋ كەرەك. ساپا  مەنەدجمەنتى, ەكولوگيالىق مەنەد­جمەنت, (يسو 14000) جانە ت.ب. جۇيەلەرىن ازىرلەۋ جانە ەنگىزۋ ارقىلى نەمەسە ءار ءتۇرلى جولمەن جەتۋگە جانە راستاۋعا بولادى, – دەدى ءوز ءسوزىن­­دە “قازاق­­­ستان ستاندارتتاۋ جانە سەرتي­فيكاتتاۋ ينس­­تيتۋتى” رمك قىزىلوردا وبلى­­سى بويىنشا وكىلدىگىنىڭ باسشىسى گ.ج.شاراپات. “قازاقستان مەترولوگيا ينستيتۋتى” رمك باس ديرەكتورى ۆ.ن.ميحالچەنكو قازاقستان­دا قازىرگى تاڭداعى ولشەم قۇرالدارىمەن قامتاماسىز ەتۋ جۇيەسىنىڭ قارقىندى دامىپ كەلە جاتقاندىعى تۋرالى بايانداسا, “حالىق­ارا­لىق اككرەديتتەۋ ورتالىعى” جشس-ءنىڭ مامانى ك.ح.ابەنوۆا “قازاقستان رەسپۋب­لي­كاسى پرەزيدەنتىنىڭ 2010 جىلدارعا ارنالعان قازاقستان حالقىنا جولاۋىن ىسكە اسىرۋدا “حالىقارالىق اككرەديتتەۋ ورتالىعى” جشس-ءنىڭ العا قويعان ماقساتتاردى ىسكە اسىرۋ ءجو­نىندە اتقارىلىپ جاتقان جۇمىس­­تارى ءجو­نىندە قىسقاشا بايانداما جاسادى. قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنىڭ تەحني­كالىق رەتتەۋ جانە مەترولوگيا كوميتەتىنىڭ قىزىل­وردا وبلىسى بويىنشا دەپارتامەنتى ديرەك­تورى ءا.ب.باپالاقوۆ “ەنگىزىلگەن تاۋەكەلدىلىك باعالاۋ جۇيەسى اياسىندا تەحنيكالىق رەگ­لامەنتتەر تالاپتارىنىڭ ساقتالۋىنا مەم­لەكەتتىك باعالاۋدى دامىتۋ جانە جەتىلدىرۋ تۋرالى” بايان ەتىپ, بۇل ءۇش باعىتتا اسىرىلىپ جاتقاندىعىن ايتتى. ولار:  قازاقستان رەسپۋبليكاسىندا شى­عارى­لاتىن نەمەسە شەت ەلدەردەن اكەلىنەتىن ءونىمدى وتكىزۋ (ساتۋ) كەزىندە قاۋىپسىزدىگىنە مەملەكەتتىك باقىلاۋ; مەملەكەتتىك مەترو­­لوگيالىق باقىلاۋ; تاۋاردىڭ شىعۋ تەگى جونىندە سەرتيفيكاتتىڭ ءتارتىبىن ساقتاۋعا مەملەكەتتىك باقىلاۋ. توقسان اۋىز ءسوزدىڭ توبىقتاي ءتۇيىنى سول, ەلباسىنىڭ “التىن ساپا” كونكۋرسىنا سىربويىلىقتار بەل شەشە, بىلەك تۇرە كىرىسىپ-اق كەتكەن. وسى بايقاۋدا سىربويىلىق كاسىپكەرلەردىڭ وزگەلەردەن وق بويى وزا شابۋىنا جاعداي جاساۋ ماقساتىندا جەرگىلىكتى بيۋدجەتتەن 1,3 ملن. تەڭگە قارجى بولىنگەن. ەركىن ءابىل. قىزىلوردا.