سۋرەت: gov.kz
مەملەكەتتىك قۇرىلىسىمىزدىڭ «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» باستى فورمۋلاسى وزگەرىسسىز قالادى. پارلامەنتتىك رەفورمانى جۇزەگە اسىرۋ ءۇشىن كونستيتۋتسيانىڭ شامامەن 40 بابىنا وزگەرىستەر مەن تولىقتىرۋلار ەنگىزۋ قاجەت بولادى. سونداي-اق شامامەن 10 كونستيتۋتسيالىق زاڭعا جانە 50 كودەكس پەن زاڭعا وزگەرىستەر ەنگىزۋ تالاپ ەتىلەدى.
جۇمىس توبىنىڭ مىندەتى – پارلامەنتتىك رەفورما بويىنشا ۇسىنىستار ازىرلەۋ. سول ۇسىنىستاردىڭ نەگىزىندە كونستيتۋتسياعا ەنگىزىلەتىن تۇزەتۋلەر جوباسى دايىندالىپ, كەيىن رەسپۋبليكالىق رەفەرەندۋمعا شىعارىلادى.
مەملەكەت باسشىسى اتاپ وتكەندەي, تۇپتەپ كەلگەندە الداعى وزگەرىستەر مەن تولىقتىرۋلاردىڭ اۋقىمى جاڭا كونستيتۋتسيا قابىلداعانمەن بىردەي.
ەرلان قارين,
مەملەكەتتىك كەڭەسشى
