قازىرگى ۋاقىتتا ول مەديتسينالىق مەكەمەدە جاتىر. بەلگىلى بولعانداي, وقۋشى دارىگەرلەرگە ءۇش رەت جۇگىنگەن: العاش رەت 13 ناۋرىز بەن 18 ناۋرىز ارالىعىندا اۋداندىق اۋرۋحاناعا بارعان. كەيىن 25 مامىردا جازعى لاگەرگە بارۋ ءۇشىن جانە 10 قىركۇيەكتە اتا-اناسىمەن بىرگە تەكسەرۋدەن وتكەن.
«ەرتە جۇكتىلىكتىڭ بەلگىلەرى انىقتالعان جوق. كامەلەتكە تولماعان قىزعا قاتىستى وزگە اقپارات ۋاكىلەتتى ورگانداردىڭ قۇزىرىندا جانە جاريالاۋعا جاتپايدى», – دەدى وبلىستىق ءبىلىم باسقارماسىنىڭ ءباسپاسوز حاتشىسى لياززات اساباەۆا.
پوليتسيانىڭ حابارلاۋىنشا, قىلمىستىق ءىس قوزعالدى. كۇدىكتى انىقتالىپ, قاماۋعا الىنعان. قازىرگى ۋاقىتتا بولعان وقيعانىڭ بارلىق ءمان-جايىن انىقتاۋعا باعىتتالعان سوتقا دەيىنگى تەرگەۋ جۇرگىزىلۋدە.
«تەرگەۋ مەن پروتسەسسۋالدىق ءىس-شارالاردىڭ كەشەنى جۇرگىزىلىپ جاتىر. تەرگەۋدىڭ بارىسى وبلىستىق پوليتسيا دەپارتامەنتى باسشىلىعىنىڭ باقىلاۋىندا. تەرگەۋ مۇددەسىنە بايلانىستى وزگە اقپارات جاريالانبايدى», – دەدى اقتوبە وبلىسى پوليتسيا دەپارتامەنتى باستىعىنىڭ ورىنباسارى بولات قۇشقاليەۆ.
