كوكپار: ادرەنالين شەگىنەن تىس كەتكەندە
رەگبي ويىنىن ەلەستەتىپ كورىڭىز, بىراق قاتىسۋشىلار ات ۇستىندە, ال دوپتىڭ ورنىنا ات مىنگەندەر وتىز كيلوگراممعا جۋىق باسسىز سەركەنى تارتادى. سەگىز اتتى ەكى كومانداعا ءبولىنىپ, ولجانى قارسىلاستىڭ قازاندىعىنا سالۋ كەرەك.
بۇرىن بۇل قاسقىرلارعا اڭشىلىق جاسايتىنداردىڭ جاتتىعۋى بولعان. قازىر – فەدەراتسياسى, ەرەجەلەرى جانە قورعانىش جابدىقتارى بار رەسمي سپورت ءتۇرى. قاۋىپسىزدىك جاقسارعانىمەن, قىزۋى بۇرىنعىداي ساقتالعان.
دالا رومانتيكاسى جانە باسقا دا جارىستار
«قىز قۋ» – قازاق حالقىنىڭ وتە ەرتەدەن كەلە جاتقان ۇلتتىق ويىندارىنىڭ ءبىرى. حالىق اراسىندا كەڭ تاراعان قىز قۋ ۇلتتىق ات ويىندارى توبىنا جاتادى. قىز قۋ ويىنىندا جىگىت قىزدى قۋىپ جەتىپ, قىزدىڭ بەتىنەن ءسۇيىپ الۋعا تىرىسادى. جەتە الماسا – قايتار جولدا قامشى سوققىسىن الادى.
اۋدارىسپاق — سپورتشىدان ۇلكەن ەپتىلىكتى, كۇشتىلىكتى, توزىمدىلىك پەن باتىلدىقتى تالاپ ەتەتىن ۇلتتىق سپورتتىڭ ءبىر ءتۇرى (ەكى سالت اتتى ءبىر-ءبىرىن اتتان اۋدارىپ الۋعا تىرىسادى). اۋدارىسپاققا ءتارتىپ بويىنشا ات ۇستىندەگى ايقاستى جاقسى مەڭگەرگەن, تياناقتى دايىندىعى بار سپورتشىلار عانا قاتىناسا الادى.
بايگەدە جارىس تەك جازىق جەرلەر مەن يپپودرومداردا عانا ءوتىپ قويمايدى, سپورتشىنىڭ ءوزى مەن ونىڭ اتىنا جوعارى تالاپ قويىلاتىن ويلى-قىرلى, جاساندى, بوگەسىندى جەرلەردە دە وتكىزىلەدى.
قۇسبەگىلىك – بۇركىتپەن اڭ اۋلاۋ, مۇندايعا جەتى كيلوگراممعا دەيىنگى قۇس تۇلكى مولشەرىندەگى اڭدى ۇستايدى.
توعىزقۇمالاق – تاقتاداعى ويىن, ول شاحماتقا ۇقسايدى, بىراق وندا تاستار مەن ويىقتار بار. ويىن بىرنەشە ساعاتقا سوزىلىپ, ويىنشىلاردىڭ سابىرلىعىن سىنايدى.
بىرتىندەپ الەم دە مويىنداپ كەلەدى
يۋنەسكو قازاقتىڭ ءتورت سپورت ءتۇرىن مادەني مۇرا تىزىمىنە ەنگىزدى: قۇسبەگىلىك, توعىزقۇمالاق, قازاق كۇرەسى جانە اسىق اتۋ. سپورت مينيسترلىگى جاڭا تۇرلەردى ەنگىزۋ ءۇشىن قۇجاتتار دايىنداپ جاتىر. بۇل جاي رەسميلىك ەمەس – حالىقارالىق مويىنداۋ قارجىلاندىرۋعا جول اشىپ, باسقا ەلدەردىڭ سپورت فەدەراتسيالارىنىڭ نازارىن اۋدارادى.
ينفراقۇرىلىم تەز وسۋدە
جاسوسپىرىمدەردى دايىندايتىن مامانداندىرىلعان ورتالىقتار سالىنىپ جاتىر. اسسوتسياتسيا ون فەدەراتسيانى بىرىكتىرەدى, ارقايسىسى ءوز باعىتى ءۇشىن جاۋاپ بەرەدى. جىلىنا اۋىل مەرەكەلەرىنەن حالىقارالىق تۋرنيرلەرگە دەيىن مىڭنان استام جارىس وتەدى.
ۇلتتىق سپورت تۇرلەرىنە دەگەن قىزىعۋشىلىق ارتىپ كەلەدى, سوندىقتان كوپتەگەن ونلاين سپورت پلاتفورمالارى ءوز باعدارلامالارىنا وسىنداي جارىستاردىڭ تىكەلەي ەفيرلەرىن قوسادى.
ماقالا اۆتورى –
جاننا ءاسانالى
