«تازا قازاقستان» ەكولوگيالىق اكتسياسى اياسىندا ۇلىتاۋ وڭىرىندە جالپى وبلىستىق اعاش وتىرعىزۋ اكتسياسى ءوتتى.
تازالىق شاراسىندا ءوڭىردى كوگالداندىرۋعا باسىمدىق بەرىلىپ, «بۇكىلقازاقستاندىق اعاش ەگۋ كۇنى» ۇيىمداستىرىلدى. اكتسيا بارىسىندا وبلىس اۋماعىندا 3000-نان اسا اعاش كوشەتى وتىرعىزىلدى. بۇل باستاما ءوڭىردىڭ ەكولوگيالىق جاعدايىن جاقسارتۋعا, تابيعاتتى قورعاۋعا جانە جاسىل جەلەكتەردى كوبەيتۋگە باعىتتالعان.
كوشەتتەردى وتىرعىزۋعا مەملەكەتتىك ورگاندار مەن مەكەمەلەردىڭ وكىلدەرى, ءماسليحات دەپۋتاتتارى, قوعامدىق كەڭەس مۇشەلەرى, قازاقستان حالقى اسسامبلەياسىنىڭ وكىلدەرى مەن جاستار جۇمىلدىرىلدى. جەزقازعان قالاسىنداعى «ناۋرىز» ساياباعىنداعى اللەيا جاڭا كوشەتتەرمەن تولىقتى.
وبلىسقا قاراستى بارلىق ەلدى مەكەندە تال ەگۋ مەن تازالىق جۇمىستارى ۇيىمداستىرىلدى. اكتسياعا 5500 ادام مەن 1085 ۇجىم قاتىستى.
ۇيىمداستىرۋشىلار مەن قاتىسۋشىلار بۇل شارانىڭ قورشاعان ورتانى قورعاۋ مادەنيەتىن قالىپتاستىرۋدا جانە جاس ۇرپاققا ەكولوگيالىق تاربيە بەرۋدە ماڭىزى زور ەكەنىن اتاپ ءوتتى.
ۇلىتاۋ وبلىسى
