ءوڭىردىڭ وركەندەۋىنە كەپىل كەلىسىم

قوستاناي وبلىسىنىڭ اكىمى سەرگەي كۋلاگين  مەن ENRC PLC كومپانياسىنىڭ باس اتقارۋشى ديرەكتورى فەليكس ۆۋليس ايماقتاعى الەۋمەتتىك جوبالاردى جۇزەگە اسىرۋ جونىندەگى كەلىسىلگەن سەرىكتەستىك تۋرالى مەموراندۋمعا قول قويدى. بۇل كەزدەسۋگە ENRC PLC كومپانياسىنىڭ باس اتقارۋ­شى ديرەكتورىنىڭ كەڭەسشىسى يبراگيم ەدىلباەۆ پەن “سسكوب” اق پرەزيدەنتى  مۇحامەدجان تۋرداحۋنوۆ قاتىناستى. مەموران­دۋم بويىنشا 1 ميلليارد 164 مىڭ تەڭگە رۋدنىي قالاسى مەن قاشار پوسەلكەسىندەگى ينفرا­قۇرى­لىمدى دامىتۋعا باعىتتا­لا­دى. سونىمەن  قاتار, مەموراندۋم شەڭبەرىندە جۇمىسشىلار جاتاق­حاناسىن سالۋ, كوپ قاباتتى ءۇي قۇرىلىسىن ءبىتىرۋ, وبلىستىق شايبالى حوككەي فەدەراتسياسىنا دەمەۋشىلىك كومەك بەرۋ ءىسى دە قاراستىرىلعان. الەۋمەتتىك نىسانداردى قار­جىلاندىرۋدى “ENRC كومەك” كورپوراتيۆتىك قورى مەن ENRC قۇرامىنا كىرەتىن  “سوكولوۆ-سارى­باي كەن ءوندىرۋ بىرلەستىگى” اق جۇزەگە اسىرادى. – مەموراندۋمدا كورسەتىلگەن جوبالاردا قالانى اباتتاندىرۋعا, دەنساۋلىق ساقتاۋ, مادەنيەت پەن سپورتقا باسىمدىق بەرىپ وتىرمىز. جىل سايىنعى جوبالاردىڭ ىسكە اسۋى ايماق تۇرعىندارىنىڭ تۇرمىس-تىرشىلىگىنىڭ جاقسارۋىنا ەلەۋلى كومەك كورسەتەدى,– دەدى فەليكس ۆۋليس كەزدەسۋدە. قوناقتار كەزدەسۋدەن كەيىن “سسكوب” اق ءوندىرىس الاڭىندا بولىپ, مەتالل يلەكتەۋ زاۋىتىنىڭ قۇرىلىسى مەن سوكولوۆ كەنىشىنىڭ بولاشاعىنا نازار اۋداردى. سوڭعى كەن بارلاۋ جۇمىستارىنىڭ ناتيجەسىندە بۇل كەنىشتىڭ ءالى دە مول قورى بار ەكەنى انىقتالىپ وتىر. كەنىشتە كەن ارشىلسا, قالادا سالىناتىن تۇرعىن ۇيلەر, وزگە دە الەۋمەتتىك قۇرىلىستار قاتارى ارتادى. مەمو­ران­دۋم تەك كەنشىلەر قالا­سىنىڭ عانا ەمەس, ءوڭىر­دىڭ گۇلدەنۋىنە كەپىل كەلىسىم بولماق. ءنازيرا جارىمبەتوۆا. رۋدنىي.