پەتروپاۆل. 8 مامىر. قازاق كۇرەسىنەن «قىزىلجار بارىسى» اتاعىن يەلەنۋ ءۇشىن پەتروپاۆل قالاسى مەن اۋدانداردان ۇكىلەپ قوسقان ەڭ مىقتىلارى كۇش سىناسىپ, جەڭىمپازدار مەن جۇلدەگەرلەرگە وبلىس اكىمىنىڭ ارنايى جۇلدەلەرى تابىس ەتىلدى. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى حابارلادى.
ىرىكتەۋ تۋرىنىڭ ەكى كەزەڭى بويىنشا ءبىر مىڭعا جۋىق بالۋانداردىڭ اراسىنان اقتىق جارىسقا 32-ءى سۋىرىلىپ شىقتى. بەلدەسۋلەر ءا دەگەننەن تارتىسقا تولى بولدى. بوز كىلەمگە ءبىرىنشى بولىپ پەتروپاۆلدىق ەرىك قۇلجانوۆ پەن اققايىڭدىق نۇرسۇلتان ابىشەۆ كوتەرىلدى. سالماقتارى قارايلاس بولعانىمەن, ەرىك ۇپاي سانىمەن جەڭىسكە جەتتى. ۋاليحانوۆتىق التىنبەك اۋساعيتوۆ پەتروپاۆلدىق ماناس ابۋوۆتى تىزە بۇكتىردى.
4 ساعاتقا سوزىلعان بەلدەسۋدە اقتىق جارىسقا جولداما العان بالۋانداردىڭ اتى-جوندەرى بەلگىلى بولدى. پەتروپاۆلدىق داۋرەن ەسلاموۆ شالاقىندىق قايىربەك باتىرحاندى ۇتىپ, ءۇشىنشى ورىنعا تابان تىرەدى. تاعى ءبىر پەتروپاۆلدىق رۇستەم جۇماەۆ جامبىل اۋدانىنىڭ وكىلى تولەگەن جەتپىسباەۆتى تازا جەڭىپ, «قىزىلجار بارىسى» اتاعىن ءۇشىنشى رەت قانجىعاسىنا بايلادى.
ءومىر ەسقالي.
دەرەك, سۋرەت: سولتۇستىك قازاقستان وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى.
