ديزەل وتىنىن جەتكىزۋ كەستەسى بەلگىلەندى

اۋىل شارۋاشىلىعى تاۋارىن وندىرۋشىلەرگە ءاشتو 2010 جىلعى ناۋرىز-مامىر ايلارىندا 330 مىڭ توننا كولەمدە جەتكىزىلگەن ارزانداتىلعان ديزەل وتىنى 18 ملن. گا, اۋماققا ءتيىمدى اگروتەحني­كا­لىق مەرزىمىندە كوكتەمگى دالا جۇمىستارىن جۇرگىزۋگە مۇمكىندىك جاسادى. سونىمەن قاتار نەگىزگى اۋىل شارۋا­­­­­شىلىعى داقىلى – استىق­­تى نارىقتا ساتۋ بۇرىنعىسىنشا قيىن­­­­­­­داپ تۇر. ونىڭ ۇستىنە نەگىزگى ەكس­پورتتىق ءونىم – استىقتىڭ باعا­­سىنىڭ وزىندىك قۇنىنان تومەن­­دەۋىمەن قاتار جانار-جاعار ماي باعاسى كوتەرىلۋدە. وسىعان بايلانىستى, ەگىن جي­ناۋ­دى قامتاماسىز ەتۋ ماقسا­تىن­دا (شىلدە-قىركۇيەك) ءاشتو-ءى ءۇشىن جانار-جاعار مايمەن قام­تا­ماسىز ەتۋدى كوكتەمگى دالا جۇمىس­تارىن جۇرگىزۋ كەزەڭىندەگى ءتارتىبى بويىنشا جەڭىلدەتىلگەن باعامەن قالدىرىلىپ, نەگىزگى رەسۋرس ۇستاۋ­­شى­­­لار ارزانداتىلعان ديزەل وتىنىن وبلىستاردىڭ بەلگىلەگەن وپەراتورلارىنا مۇناي وڭدەۋ زاۋىت­­تارىنان تىكەلەي جىبەرۋدە. سونىمەن قاتار, اۋىل شارۋا­شىلىعى تاۋارىن وندىرۋشىلەرگە ديزەل وتىنىنىڭ شىلدە ايىن­دا­عى باعاسى بەلگىلەنگەن ستانسادا ­­–ليترى 55 تەڭگەگە دەيىن, سوڭعى تۇ­تىنۋشىدا – ءليترى 62 تەڭگەگە دەيىن بولىپ بەلگىلەندى. ەگىن وراعى جۇمىستارىن ءجۇر­گىزۋ ءۇشىن ديزەل وتىنىنا دەگەن  قاجەتتىلىك, الدىڭعى جىلدارداعى سياقتى 400 مىڭ توننا شاماسىندا بولىپ وتىر. قازاقستان رەسپۋبليكاسى اۋىل شارۋاشىلىعى مينيسترلىگى مەن مۇناي جانە گاز مينيسترلىگى بىرلەسىپ ءاشتو-گە ارزانداتىلعان ديزەل وتىنىن جەتكىزۋ كەستەسىن بەلگىلەدى. وبلىستاردا اۋىل شارۋاشى­لى­عى تاۋارىن وندىرۋشىلەرگە كۇزگى دالا جۇمىستارىن جۇرگىزۋگە قا­جەت­تى ارزانداتىلعان ديزەل وتىنىن جەتكىزۋشى وپەراتورلار بەلگىلەنىپ, ولارعا ءتيىستى كولەمدەگى ديزەل وتى­نىنا ۋاقتىلى تولەماقىنى ءتو­لەۋدى جانە دەر كەزىندە جەت­كى­زىلۋىن قامتاماسىز ەتۋ تاپسىرىلدى. بۇگىنگى كۇنى وبلىس وپەرا­تورلارى ديزەل وتىنىن جەتكىزۋ­شىلەرمەن كەلىسىم-شارتقا وتىرۋ جۇمىستارىن قىزۋ قارقىنمەن جۇرگىزىپ جاتىر, دەپ حابارلادى اۋىل شارۋاشىلىعى مينيسترلىگى ءباسپاسوز قىزمەتى.