قاراجات ۋاكىلەتتى وپەراتورلارعا ءوتىنىش بەرۋشىلەردىڭ بانكتىك شوتتارىنا ەسەپتەۋ ءۇشىن اۋدارىلدى. ونىڭ ىشىندە تۇرعىن ءۇي ماسەلەلەرىن شەشۋ ءۇشىن 14,14 ملن دوللار سوماسىنا 98 ء046 وتىنىش, ءبىلىم الۋ اقىسىن تولەۋگە شامامەن 8,15 ملن دوللار سوماسىنا 58 ء910 وتىنىش ورىندالدى.
ەستەرىڭىزگە سالا كەتەيىك, نىسانالى جيناقتاردى (نج) الۋشى بارلىق سومانى نەمەسە ونىڭ ءبىر بولىگىن پايدالانۋعا قۇقىلى. پايدالانىلماعان قالدىق نىسانالى جيناقتاۋ شوتىندا (نجش) ساقتالادى.
تۇرعىن ءۇي جاعدايلارىن جاقسارتۋ اياسىندا قازاقستاندىقتار قارجىلارىن كوبىنەسە مىناداي ماقساتتا پايدالاندى: ودان ءارى جيناقتاۋ ءۇشىن تۇرعىن ءۇي قۇرىلىسى جيناقتارىنداعى سالىمدى تولىقتىرۋعا 13,85 ملن اقش دوللارىنا 95 786 ءوتىنىش, تۇرعىن ءۇي ساتىپ الۋعا يپوتەكالىق تۇرعىن ءۇي قارىزىن الۋ ءۇشىن باستاپقى جارنانى ەنگىزۋگە 101,44 مىڭ اقش دوللارىنا 755 ءوتىنىش جانە ازاماتتىق-قۇقىقتىق مامىلەلەر بويىنشا مەنشىككە تۇرعىن ءۇي ساتىپ الۋعا (تۇپكىلىكتى ەسەپ ايىرىسۋ) 69,88 مىڭ اقش دوللارىنا 553 ءوتىنىش ورىندالدى.
ءبىلىم الۋ اقىسىن تولەۋ بويىنشا ەڭ تانىمال قوسالقى ماقساتتار: قازاقستان رەسپۋبليكاسىنىڭ اۋماعىندا ورنالاسقان ءبىلىم ۇيىمدارىنىڭ ءبىلىم بەرۋ قىزمەتتەرىنە ۇلەستەرمەن ء(اربىر اكادەميالىق كەزەڭ نەمەسە وقۋ جىلى ءۇشىن) نەمەسە ءبىر رەت تولىق كولەمدە (بۇكىل وقۋ مەرزىمى ءۇشىن) اقى تولەۋ (7,38 ملن اقش دوللارىنا 52 574 ءوتىنىش ورىندالدى), ءبىلىم الۋ ءۇشىن جيناقتاۋ سالىمى تۋرالى شارت بويىنشا ءبىلىم الۋ جيناقتاۋ سالىمىن تولىقتىرۋ (527,67 مىڭ اقش دوللارىنا 4 477 ءوتىنىش ورىندالدى), شەتەلدىك ءبىلىم بەرۋ ۇيىمدارىنىڭ وقىتۋ قىزمەتتەرىنە ۇلەستەرمەن ء(اربىر اكادەميالىق كەزەڭ نەمەسە وقۋ جىلى ءۇشىن) نەمەسە تولىق كولەمدە بىرجولعى (بۇكىل وقۋ مەرزىمى ءۇشىن) اقى تولەۋ (194,54 مىڭ اقش دوللارىنا 1 526 ءوتىنىش ورىندالدى).
نىسانالى جيناقتار تولەمىن تۇرعىن ءۇي جاعدايلارىن جاقسارتۋ جانە (نەمەسە) ءبىلىم الۋ اقىسىن تولەۋ ماقساتىندا پايدالانۋ بويىنشا ۋاكىلەتتى وپەراتورلار مەن وڭىرلەر بولىنىسىندەگى تولىق اقپاراتپەن enpf.kz سايتىندا تانىسۋعا بولادى.
نىسانالى جيناقتار تولەمىن الۋ ءۇشىن الۋشىعا نە ونىڭ زاڭدى وكىلىنە بجزق-مەن ءتيىستى كەلىسىم جاساعان ۋاكىلەتتى وپەراتورعا جۇگىنۋ قاجەت. ءوتىنىشتى «وتباسى بانكى» اق, «قازاقستان حالىق بانكى» اق-نىڭ ءبىرىنىڭ ينتەرنەت-رەسۋرسى نەمەسە ءموبيلدى قوسىمشاسى ارقىلى بەرۋگە بولادى. ايتا كەتەيىك, 01.08.2025ج. باستاپ اتالعان ءتىزىم «بانك تسەنتركرەديت» اق جاڭا ۋاكىلەتتى وپەراتورىمەن تولىقتىرىلدى.
ەستەرىڭىزگە سالا كەتەيىك, «ۇلتتىق قور - بالالارعا» باعدارلاماسىنا ساي قازاقستان رەسپۋبليكاسى ۇلتتىق قورىنىڭ ينۆەستيتسيالىق كىرىسىنىڭ 50%-ى جىلىنا ءبىر رەت 2006 جىلى جانە ودان كەيىن تۋعان, قازاقستان رەسپۋبليكاسىنىڭ ازاماتى بولىپ ەسەپتەلەتىن بالالار اراسىندا بولىنەدى. 2023 جىلى بارلىق نج الۋشىلارىنا 100,52 اقش دوللارى, 2024 جىلى – 129,38 اقش دوللارى ەسەپتەلگەنىن حابارلايمىز. 2006 جىلى تۋعان ازاماتتاردى قوسپاعاندا, 2023 جىلى ۇلتتىق قوردان العاشقى قاراجات ەسەپتەلگەن بالالارعا بيىل 3,04 اقش دوللارى مولشەرىندە ينۆەستيتسيالىق كىرىس ەسەپتەلدى. ناتيجەسىندە, 2006 جىلى تۋعان بالانىڭ نىسانالى جيناعىنداعى قاراجات 100,52 اقش دوللارىنا تەڭ بولسا, 2007 جىلى تۋعان بالانىڭ نجش-دا 232,94 اقش دوللارى جيناقتالدى.
كامەلەتكە تولعان ازاماتتار وزدەرىنىڭ نج تۋرالى اقپاراتتى بجزق-نىڭ نەمەسە ەلەكتروندىق ۇكىمەتتىڭ ينتەرنەت-رەسۋرستارىنداعى جەكە كابينەتى ارقىلى ءوز بەتىنشە الۋى ءتيىس, سودان كەيىن ۋاكىلەتتى وپەراتورعا اقش دوللارىندا بانكتىك شوت اشىپ, تۇرعىن ءۇي جاعدايلارىن جاقسارتۋ جانە (نەمەسە) ءبىلىم الۋ اقىسىن تولەۋ ءۇشىن نج تولەمىنە ونلاين-ءوتىنىش بەرۋ ءۇشىن جۇگىنە الادى.
نىسانالى جيناقتار تولەمىن راسىمدەۋ ءۇشىن الۋشى نە ونىڭ زاڭدى وكىلى بجزق-مەن ءتيىستى كەلىسىم جاسالعان ۋاكىلەتتى وپەراتورعا جۇگىنۋى قاجەت. ءوتىنىشتى ينتەرنەت-رەسۋرس نەمەسە «وتباسى بانك» اق (تۇرعىن ءۇي جاعدايلارىن جاقسارتۋ جانە ءبىلىم بەرۋ اقىسىن تولەۋ ماقساتىندا), «قازاقستان حالىق بانكى» اق, «بانك تسەنتركرەديت» اق ء(بىلىم بەرۋ اقىسىن تولەۋ ماقساتىندا) ۋاكىلەتتى وپەراتورلارىنىڭ ءبىرىنىڭ ءموبيلدى قوسىمشاسى ارقىلى بەرۋگە بولادى.
