جاڭا امبۋلاتوريا اۋىسىمىنا 45 كەلۋشىگە ەسەپتەلگەن جانە بارلىق قاجەتتى زاماناۋي قۇرال-جابدىقتارمەن قامتاماسىز ەتىلگەن. عيماراتتا پاتسيەنتتەردى قابىلداۋعا ارنالعان كابينەتتەر, ەمدەۋ جانە قاراۋ بولمەلەرى قاراستىرىلعان, بۇل تۇرعىندارعا ساپالى العاشقى مەديتسينالىق-سانيتاريالىق كومەك كورسەتۋگە مۇمكىندىك بەرەدى.
نىساننىڭ قۇرىلىسىنا ارناۋلى مەملەكەتتىك قوردان شامامەن 190 ملن تەڭگە ءبولىندى. جۇمىس پرەزيدەنت باستاماشىلىق ەتكەن «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسىن جۇزەگە اسىرۋ شەڭبەرىندە جۇرگىزىلدى.
اقتوبە وبلىسىندا قايتارىلعان اكتيۆتەر قاراجاتى ەسەبىنەن جانە ارناۋلى مەملەكەتتىك قور قارجىسىنان اۋىلدىق دەنساۋلىق ساقتاۋ سالاسىندا بارلىعى 11 جوبا جۇزەگە اسىرىلۋدا. بۇگىنگى تاڭدا ءتورت نىسان پايدالانۋعا بەرىلدى, جەتەۋىنىڭ قۇرىلىسى جالعاسۋدا.
