پەتروپاۆل. 8 مامىر. قىتايدىڭ استاناسى بەيجىڭدە سپورتتىق بيلەردەن وتكەن Iح الەم كۋبوگى جارىسىندا قىزىلجار ءوڭىرىنىڭ جاس بيشىلەرى باس جۇلدەنى جەڭىپ الدى. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى حابارلادى.
الەم كۋبوگىنىڭ ءۇش دۇركىن يەگەرلەرى ءداني جاۋكين مەن اننا كونوپكينا «ءجاسوسپىرىم-1» ساناتى بويىنشا ەۋروپالىق جانە لاتىنامەريكالىق باعدارلامالاردان ءبىرىنشى ورىندى جەڭىپ الدى. بۇل جۇپ ەرەسەك بالالار اراسىندا دا سايىسقا ءتۇسىپ, لاتىنامەريكالىق باعدارلاما بويىنشا توپ جاردى.
ال, مۇسا سۇلتانوۆ پەن ماريا حاسانەتدينوۆا «جاستار-1» ساناتىندا ەۋروپالىق باعدارلامامەن شىعىپ, قۇرمەت تۇعىرىنىڭ بيىك ساتىسىنا كوتەرىلدى. لاتىنامەريكالىق باعدارلامادا كۇمىس جۇلدەنى ولجالادى.
قالعان ەكى جۇپ بيشىلەرى قولا جۇلدەگە يە بولدى.
ءومىر ەسقالي.
دەرەك, سۋرەت: سولتۇستىك قازاقستان وبلىستىق دەنە شىنىقتىرۋ جانە سپورت باسقارماسى.
