پەتروپاۆل. 8 مامىر. بىلىم جانە عىلىم مينيسترلىگىنىڭ رەسپۋبليكالىق “دارىن” عىلىمي-تاجىريبەلىك ورتالىعىنىڭ ۇيىمداستىرۋىمەن وتكەن “دارىندى وقۋشىعا – تالانتتى ۇستاز” اتتى حالىقارالىق پەداگوگيكالىق وليمپيادا ءوز مارەسىنە جەتىپ, جەڭىمپازدار بەلگىلى بولدى. بۇل تۋرالى وبلىستىق ءبىلىم باسقارماسى حابارلادى.
بيىلدان باستاپ حالىقارالىق مارتەبە العانبەدەلدى بايقاۋعا قازاقستاننىڭ بارلىق وڭىرلەرىنەن جانە رەسەيدىڭ قورعان, ومبى وبلىستارىنان 270-تەن استام ۇمىتكەر قاتىسىپ, جۇزدەن وزعان جۇيرىكتەر 8 اتالىم بويىنشا جەڭىستىڭ ەڭ بيىك تۇعىرىنا كوتەرىلدى.
ەكاتەرينا مينەەۆا /رۋدنىي/ «جاڭاشىل ۇستاز», روزا تۇراەۆا /استانا/ «ۇزدىك پسيحولوگ», ك. دۇتباەۆ اتىنداعى اتىراۋ گۋمانيتارلىق كوللەدجى «جاس تالانتتار», جانار اۋباكىروۆا /اقمولا وبلىسى/ «جاس پسيحولوگ», ادىلجان بوكەنباەۆ /قوستاناي/ «ءوز ءىسىنىڭ شەبەرى» اتالىمدارىنا يە بولدى.
جەڭىمپازدار مەن جۇلدەگەرلەر قاتارىنان جامبىل, پاۆلودار, سولتۇستىك قازاقستان وبلىستارىنىڭ, رەسەيدىڭ ومبى قالاسىنىڭ وليمپياداشىلارى دا كورىنە ءبىلىپ, ءارتۇرلى دارەجەدەگى ديپلومدارمەن ماراپاتتالدى.
ءومىر ەسقالي.
دەرەك, سۋرەت: سولتۇستىك قازاقستان وبلىستىق ءبىلىم باسقارماسى.
