سۋرەتتەردى تۇسىرگەن – ەرلان ومار, «EQ»
فەستيۆالدىڭ نەگىزگى ماقساتى – كاسىبي فوتوتىلشىلەر مەن ستۋدەنتتەر اراسىنداعى شىعارماشىلىق بايلانىستى نىعايتۋ, تاجىريبە الماسۋ جانە جاس جۋرناليستەرگە فوتوجانردىڭ قىر-سىرىن ۇيرەتۋ.
ءىس-شاراعا «National Geographic» جۋرنالىنىڭ ءفوتوتىلشىسى ەربولات شادراحوۆ, «Egemen Qazaqstan» گازەتىنىڭ ءفوتوتىلشىسى ەرلان وماروۆ, پارلامەنت ءماجىلىسىنىڭ فوتوتىلشىلەرى تالعات تانىباەۆ پەن جانداۋلەت ءومىرحان ۇلى, سونداي-اق «قازاۆتوجول» ۇيىمىنىڭ وكىلى قالجان تۇرسىنباەۆ قاتىستى.
بايقاۋدىڭ اشىلۋ سالتاناتىندا ۋنيۆەرسيتەت پرورەكتورى ءلاززات تولەگەنقىزى مەن جۋرناليستيكا جانە الەۋمەتتىك عىلىمدار فاكۋلتەتىنىڭ دەكانى نۇرجان قۋانتاي ۇلى قۇتتىقتاۋ ءسوز سويلەپ, قاتىسۋشىلارعا ساتتىلىك تىلەدى.
فوتوبايقاۋ ءۇش كەزەڭنەن – پورترەت, پەيزاج جانە فوتورەپورتاج جانرلارى بويىنشا ءوتىپ, ستۋدەنتتەر ءوز شەبەرلىكتەرىن سىنادى. سونىمەن قاتار قاتىسۋشىلارعا تاجىريبەلىك ساباقتار وتكىزىلدى.
«Egemen Qazaqstan» گازەتى جاۋاپتى حاتشىسىنىڭ ورىنباسارى الماس ماناپ گازەت دا-يىنداۋ ۇدەرىسى مەن باسىلىمنىڭ ۆيزۋالدى قۇرىلىمى جونىندە كەڭىنەن اڭگىمەلەپ, ستۋدەنتتەرگە ءباسپاسوز جۇمىسىنىڭ ەرەكشەلىكتەرىن ءتۇسىندىردى. ال ەربولات شادراحوۆ اۆتورلىق فوتوجۇمىستارىن كورسەتىپ, كاسىبي كەڭەستەرىمەن ءبولىستى.
بايقاۋ قورىتىندىسى بويىنشا «ۇزدىك پورترەت» اتالىمىن – تالعات تانىباەۆ پەن جانداۋلەت ءومىرحان ۇلى, «ۇزدىك فوتورەپورتاج» – ەرلان ومار, «ۇزدىك ءفوتوتىلشى» جانە باس جۇلدەنى ەربولات شادراحوۆ جەتەكشىلىك ەتكەن كوماندا جەڭىپ الدى.
ەركەجان سانسىزباي,
ەۇۋ-دىڭ 2-كۋرس ستۋدەنتى
