سولتۇستىك قازاقستاندا ەكى ادام سۋعا باتىپ كەتتى

پەتروپاۆل. 8 مامىر.  كوكتەمنىڭ سوڭعى ايىنىڭ العاشقى ونكۇندىگىندە   قىزىلجار وڭىرىندە وقىس وقيعالار مەن اپاتتى جاعدايلاردىڭ ورىن الۋى جيىلەپ كەتتى. بۇل تۋرالى وبلىستىق توتەنشە جاعدايلار جونىندەگى دەپارتامەنتتىڭ ءباسپاسوز قىزمەتى حابارلادى. ايىرتاۋ اۋدانىنا قاراستى كازانكا اۋىلى جانىنان سىلدىراي اعىپ جاتقان يمان-بۇرلىق وزەنىنە بالىق اۋلاي بارعان 60 جاستاعى بالىقشى قايتىپ ورالماعان.قايىق وقىستان اۋدارىلىپ, مارقۇم تۇڭعيىق سۋ تۇبىنە كەتە بارعان. مۇنداي قايعىلى جايتقا ەسىل اۋدانى پوكروۆكا ەلدى مەكەنىنىڭ تۇرعىنى دا ۇشىراعان.  ساقتىق شارالارىن ساقتاماۋدىڭ سالدارىنان 79 جاستاعى اقساقالدىڭ اجالى تىرشىلىك نارىنەن بولعان. «وسى مەرزىم ىشىندە 29 ءورت شىعۋ فاكتىسى تىركەلدى. پەتروپاۆل قالاسىنداعى كوپقاباتتى ۇيدە ءبىر پاتەر قىزىل جالىنعا ورانىپ, 10 ادامدى قاۋىپسىز ايماققا شۇعىل تۇردە شىعارۋعا تۋرا كەلدى. ءبىر اۆتوكولىك جانىپ كەتتى. مۇنىڭ ءبارى ادامداردىڭ نەمقۇرايدىلىعىنان كەزىگەتىن وقىس جايتتار», دەيدى دەپارتامەنتتىڭ باس مامانى ەۆگەني جۋراۆلەۆ. ءومىر ەسقالي. دەرەك, سۋرەت: سولتۇستىك قازاقستان وبلىستىق توتەنشە جاعدايلار جونىندەگى دەپارتامەنتىنىڭ ءباسپاسوز قىزمەتى.