شىعىس قازاقستاندا وتكىزىلىپ جاتقان كوپتەگەن مادەني ءىس-شارانىڭ ءبىرى, بىرەگەيى – وسى وپەرەتتا تەاترىنىڭ جۇمىسى. بۇعان دەيىنگى قويىلعان قاي سپەكتاكلدى الساق تا, زال لىق تولىپ, حالىقتىڭ قوشەمەتىنە بولەنىپ كەلەدى. ال ايگىلى شۆەد توبىنىڭ اندەرىنە نەگىزدەلگەن «Mamma mia!» ميۋزيكلى كورەرمەنگە ەرەكشە كوڭىل كۇي سىيلاعانداي. ولاي دەيتىنىمىز, ەكى جارىم ساعاتقا سوزىلاتىن ەكى ءبولىمدى قويىلىمدى ەل تاپجىلماي كورىپ شىقتى. كوڭىلدى كورىنىستى باستان-اياق تاماشالاعان وبلىس اكىمى نۇرىمبەت ساقتاعانوۆ تا وڭ باعاسىن بەرىپ, الەۋمەتتىك جەلىدە ءبولىستى.
ەسكە سالساق, قالانىڭ قاق ورتاسىنداعى كونە عيمارات وپەرەتتا تەاترى بولىپ اشىلعالى ميۋزيكلدەر مەن وپەرەتتالار, وپەرالار مەن مۋزىكالىق قويىلىمدار قويىلادى. «Mamma mia!» ەڭ العاش 1999 جىلى لوندوندا ساحنالانعان. سودان بەرى الەمنىڭ 50-دەن استام ەلىندە كورسەتىلىپ, جۇزدەگەن ميلليون كورەرمەندى ءتانتى ەتتى. ەڭ قىزىعى, شىعىس قازاقستان وبلىستىق دراما جانە وپەرەتتا تەاترىندا بۇل تۋىندى قازاق تىلىندە دە ساحنالانعان.
شىعىس قازاقستان وبلىسى
