بيىل وبلىس تۇرعىندارىن جۇمىسپەن قامتۋ مەن جۇمىسشى ماماندىقتاردى دارىپتەۋگە باعىتتالعان 122 بوس جۇمىس ورىندارى مەن ءوندىرىس ورىندارىندا اشىق ەسىك كۇنىن وتكىزۋ جوسپارى بەكىتىلگەن. بەس سالا بويىنشا بوس جۇمىس ورىندارىنىڭ 64 جارمەڭكەسى ءوتتى. ولارعا 1 257 جۇمىس بەرۋشى قاتىسىپ, 6 841 بوس جۇمىس ورنىن ۇسىنعان. ونىڭ 71,1%-ى, ياعني 4 868-ءى – جۇمىسشى ماماندىقتارى. ودان بولەك, وڭىردە جۇمىسشى مامانداردى دارىپتەۋ ماقساتىندا ءوندىرىس ورىندارىندا اشىق ەسىك كۇنى ءوتتى. سونداي ءىس-شارانىڭ بىرىندە تۇركىستان جوعارعى كوپسالالى قولونەر كوللەدجى مەن كوپسالالى يندۋستريالدى-تەحنيكالىق كوللەدجىنىڭ 250 ستۋدەنتى «تۇركىستان» ەركىن ەكونوميكالىق ايماعىنداعى «Grand Miks» مەبەل قۇراستىرۋ, «Kaztor LTD» جشس قورشاۋ ونىمدەرى وندىرىسىمەن تانىستى. ستۋدەنتتەرگە ءوندىرىس تەحنولوگياسى ءتۇسىندىرىلىپ, ءونىم تۇرلەرى كورسەتىلدى. جۇمىسشى مامانداردىڭ ەل ەكونوميكاسىنا قوسار ۇلەسى باياندالىپ, جاستارعا ەڭبەكقورلىق پەن ناعىز مامان بولۋ قۇندىلىعى ناسيحاتتالدى.
ايتا كەتەلىك, وبلىستىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ مالىمەتىنشە, ۇلتتىق جوبالار اياسىندا بۇگىندە ناقتى 297 جوبا جۇزەگە اسىپ, 3 156 ازامات جۇمىسپەن قامتىلدى. جەكە ينۆەستيتسيا تارتۋ ارقىلى 103 جوبا جۇزەگە اسىپ, 1 584 جۇمىس ورنى قۇرىلدى. «10 مىڭ تۇرعىنعا – 100 جاڭا جۇمىس ورنى» جوباسى اياسىندا بيىل 22 595 جاڭا جۇمىس ورنىن قۇرۋ مەجەلەنسە, قازىردە 27 617 جۇمىس ورنى اشىلعان. «وڭىرلىك جۇمىسپەن قامتۋ كارتاسىن» جۇزەگە اسىرۋ اياسىندا 59 925 ازامات تۇراقتى جۇمىسقا ورنالاستى. ۋاقىتشا سۋبسيديالاناتىن جۇمىس ورىندارىنا 27 099 ازامات تارتىلدى. ودان بولەك, جاڭا بيزنەس-يدەيالاردى جۇزەگە اسىرۋ ءۇشىن 1 788 ازامات مەملەكەتتىك گرانت الدى. سونىمەن قاتار 158 پروباتسيا ەسەبىندەگى, 10 باس بوستاندىعىنان ايىرۋ مەكەمەلەرىنەن بوساتىلعان ازامات, 5 تۇل جەتىم, 146 مۇگەدەكتىگى بار ازامات جۇمىسقا ورنالاستى.
تۇركىستان وبلىسى
