مەرەكە اياسىندا وتكەن كەشەندى ءىس-شارالاردىڭ ەڭ باستىسى – «تاريح. تاعدىر. تۇلعا. جۇبان مولداعاليەۆ مۇراسى» اتتى رەسپۋبليكالىق-ايماقتىق عىلىمي-تانىمدىق كونفەرەنتسيا بولدى. جيىنعا باتىس قازاقستان وبلىسى اكىمى اپپاراتىنىڭ باسشىسى ءنۇردىلدا وراز, قازاقستاننىڭ ەڭبەك سىڭىرگەن قايراتكەرى, اقىن اقۇشتاپ باقتىگەرەەۆا, جازۋشى, كومپوزيتور ءىليا جاقانوۆ, جۇبان اقىننىڭ ۇرپاقتارى مەن زيالى قاۋىم وكىلدەرى قاتىستى.
كونفەرەنتسيا مىنبەرىندە ءسوز العان اقىن اقۇشتاپ باقتىگەرەەۆا جۇبان مولداعاليەۆ شىعارماشىلىعىنا شولۋ جاساپ, اقىننىڭ ازاماتتىق تۇلعاسى جايىندا ەستەلىك ايتتى. سونداي-اق قازاقستاننىڭ ەڭبەك ەرى ءىليا جاقانوۆ, اقىن, ۇستاز, جۇبانتانۋشى ۇزىلدىك ەلەۋباەۆا, رەسپۋبليكالىق «ۇشقوڭىر» گازەتىنىڭ باس رەداكتورى بولات باتىر ۇلى, ماحامبەت اتىنداعى باتىس قازاقستان ۋنيۆەرسيتەتىنىڭ قاۋىمداستىرىلعان پروفەسسورى, فيلولوگيا عىلىمدارىنىڭ كانديداتى گۇلشارا بيسەنوۆا جانە باسقالارى دا ءتۇرلى تاقىرىپتا مازمۇندى بايانداما جاسادى.
وسى مەرەيتوي اياسىندا وقىرمان قاۋىمعا «جۇبان مولداعاليەۆ. ەستەلىكتەر. تاريحي-عۇمىردەرەكتىك انىقتامالىق» اتتى كىتاپ تانىستىرىلدى.
بۇل كۇنى اۋداندىق مادەني-دەمالىس ورتالىعى ۇسىنعان «مەن مىڭ دا ءبىر ءتىرىلدىم ماڭگى ولمەسكە» كورمە-قويىلىمى ەرەكشە اسەرلى شىقتى.
جۇبان تويى ء«داۋىر داۋىلپازى – جىر-جۇبان» اتتى وبلىستىق اقىندار ايتىسىمەن جالعاستى. 12 اقىن جۇپتاسىپ ونەر كورسەتكەن ءسوز سايىسىن عاريفوللا قۇرمانعاليەۆ اتىنداعى فيلارمونيا ديرەكتورى باۋىرجان حاليوللا قورىتىندىلاپ, اۋدان اكىمى مۇرات سەردالين اقىندارعا اقشالاي سەرتيفيكات تابىستادى.
جۇبان اقىننىڭ مەرەيلى تويى ءدۇبىرلى دالا ويىندارىنا جالعاستى.
باتىس قازاقستان وبلىسى
