جاڭا جوبالار جۇزەگە اسىرىلماقشى

كەشە استانادا قازاقستان رەسپۋبليكاسى ۇلتتىق عارىش اگەنتتىگى جانە “قازاقستان عا­رىش ساپارى” ۇك” اق-تىڭ ۇي­ىم­داستىرۋىمەن “قازاقستاننىڭ يندۋستريالىق-يننوۆاتسيالىق دامۋ شەڭبەرىندە عارىش جو­با­لارىن ىسكە اسىرۋ” تاقىرىبىندا حالىقارالىق دوڭگەلەك ۇستەل ءوتتى. قازاقستان, فرانتسۋز, نەمىس جانە رەسەي عارىش سالاسىنىڭ مامان­دارى قاتىسقان بۇل جيىندى اتال­عان اگەنتتىكتىڭ توراعاسى تال­عات مۇساباەۆ اشتى. دوڭگەلەك ءۇس­تەل ستراتەگيالىق ارىپتەستىك جانە “قعس” ۇك” اق مەن فرانتسۋزدىق EADS ءAstrىum كومپانياسى ىن­تىماقتاستىعىنىڭ العاشقى ءنا­تيجەلەرى مەن بولا­شاعى تاقى­رى­بىندا ءوربىدى. ۇلتتىق عارىش اگەنت­­­­­­تىگىنىڭ توراعاسى ءوز سوزىندە اتال­مىش ءىس-شارانىڭ ءوت­كىزىلۋىن “قا­زاقستان عارىش سا­پارى” ۇلت­تىق كومپانياسىنىڭ قۇ­رىل­عانىنا 5 جىل تولۋىمەن ءجا­نە ەلوردامىزدىڭ مەرەيتويى­مەن تۇسپا-تۇس كەلىپ وتىرعاندى­عىمەن بايلانىستىردى. كەلەسى كەزەكتە ءسوز العان سە­رىكتەس EADS ءAstrىum فرانتسۋز كوم­پانياسىنىڭ پرەزيدەنتى فرانسۋا وك قازاقستاندىق عارىش سالا­سى­نىڭ ماماندارىمەن بىرگە جوس­پار­دا تۇرعان اسا ماڭىزدى جوبالاردى جۇزەگە اسىراتىنىنا قۋانىشتى ەكەندىگىن جەتكىزدى. سونىمەن قاتار, “قازاقستان عا­رىش ساپارى” ۇك” اق پرەزي­دەنتى عابدۋللاتيف مىرزاقۇلوۆ ءسوز سويلەپ, فرانتسۋز كومپانيا­سىمەن بىرگە جۇزەگە اسىرىلعالى وتىرعان جوبالاردىڭ مازمۇنى­مەن تانىستىردى. جيىنعا قاتىسۋشىلار “قا­زاق­ستان عارىش ساپارى” ۇك” اق كومپانياسىنىڭ سراتەگياسىنىڭ قازاقستاننىڭ عارىش سالاسىن دامىتۋدا ماڭىزى زور ەكەندىگىن اتاپ ءوتتى. وندا نەگىزگى ينۆەستي­تسيا­لىق جوبالار: عارىش اپپا­رات­تارىن قۇراستىرۋ-سىناۋ كەشەنى, قازاقستان رەسپۋبليكاسىنىڭ جەردى قاشىقتىقتان زوندتاۋ عا­رىش جۇيەسى مەن جوعارى دالدىكتى سپۋتنيكتىك ناۆيگاتسياسىنىڭ جەرۇستى ينفراقۇرىلىمى جانە ۇلتتىق عارىش ورتالىعىنىڭ قامتاماسىز ەتۋشى ينفراقۇ­رى­لىمىن قۇرۋ كوزدەلگەن. عارىش ۆەدومستۆوسىنىڭ باس­شىسى ونىڭ ارىپتەستەرى مەن قىز­مەتكەرلەرىنىڭ الدىندا ەلدىڭ عارىش ينفراقۇرىلىمىن دامىتۋ جونىندەگى مىندەتتەردىڭ تۇتاس كەشەنىن شەشۋگە باعىتتالعان وراسان زور جۇمىس تۇرعانىن ەسكە سالا وتىرىپ, جوبالاردى جۇزەگە اسىرۋدا بارىنە ساتتىلىك تىلەدى. بۇل ماقساتتى جۇزەگە اسىرۋ ءۇشىن عارىش جۇيەلەرىن, عارىش جۇيە­لەرى ءوندى­رىسىنىڭ قۇرالدارىن, عا­ر­ىش اپپا­راتتارىن عارىشقا شى­عارۋ جانە ولاردى باسقارۋ قۇرال­دارىن قۇرۋ, وزات عارىشتىق تەح­نولوگيالار ترانسفەرتتەرى مەن ولار­دى يگەرۋ, قازىرگى عارىش تەحني­كاسىن ازىرلەۋ جانە ءوندىرۋ ماماندارىن دايارلاۋ قاجەت. اتالعان مىندەتتەردى شەشۋگە با­عىت­تالعان ءبىرىنشى كەزەكتەگى جو­بالار عارىش اپپاراتتارىن قۇ­راستىرۋ-سىناۋ كەشەنىن (عا قسك) جانە قازاقستان رەسپۋب­لي­كا­سىنىڭ جەردى قاشىقتىقتان زون­دتاۋ عارىش جۇيەسىن قۇرۋ (جقز عج) جوبالارى بولىپ وتىر. جۋرناليستەردىڭ قويعان سۇ­راقتارىنا جاۋاپ بەرگەن اگەنتتىك توراعاسى تالعات مۇساباەۆ استا­نادا سالىنعالى وتىرعان عارىش­تىق اپپاراتتاردى قۇراستىرۋ جانە سىناۋ كەشەنى EADS Ast­rىum فرانتسۋز كومپانياسىمەن ءبىر­لەسىپ سالىناتىنىن مالىمدەدى. اتال­­مىش كومپانيا بۇعان دەيىن 16 عارىشتىق جۇيەنى قۇراستىرۋعا كەڭ كولەمدە اتسالىسىپ, فران­تسيا, تايۆان, برازيليا, الجير, رەسەي, كورەيا, گوللانديا, ءۇندى­ستان, گەر­مانيا جانە اقش سىن­دى مەم­لە­كەتتەر ءۇشىن عارىشتىق اپپارات­تاردى قۇراستىرۋ جانە سى­ناۋ كە­شەندەرىن سالىپ, ولار­دىڭ اياعىنان تىك تۇرۋىنا اسا جو­عارى ىقپال ەت­كەن. كەلىسىلگەن جو­بالاردىڭ ايا­سىندا فران­تسۋز­دىق ارىپتەستەر بىزگە جەردى قا­شىق­تىقتان زوند­تاي­تىن العاشقى عا­رىشتىق اپپا­راتىن قۇراستى­رىپ بەرەتىن بولدى.   وسى جوبا­لاردى جۇزەگە اسىرۋ ءۇشىن “EADS ءAstrىum” فرانتسۋز كومپانياسى سياقتى قازىرگى عارىش تەحنيكاسى مەن تەحنولوگيالارىن قۇرۋدا ۇلكەن تاجىريبەسى مەن عىلىمي-تەحنيكالىق الەۋەتى بار باسقا دا ستراتەگيالىق ارىپتەستەر تارتى­لاتىن بولدى. قاتارىنان ءۇش كۇن وتكىزىلىپ جاتقان شارالاردىڭ قورى­تىن­دىسى رەتىندە بۇگىن قازاقستان رەسپۋبليكاسىنىڭ ۇلتتىق عارىش ورتالىعىن سالۋ ورنىندا ەسكەرت­كىش بەلگىسى مەن ستەلانىڭ اشى­لۋى وتەتىندىگىن ايتا كەتپەكپىز. اسپەت ابدىرەشوۆا, سقمۋ ستۋدەنتى.