سوندىقتان دا, سىبايلاس جەمقورلىقپەن كۇرەسۋ – كەز كەلگەن ەلدىڭ ماڭىزدى ستراتەگيالىق مىندەتتەرىنىڭ ءبىرى.
سىبايلاس جەمقورلىق – بۇل لاۋازىمدى تۇلعالاردىڭ ءوز قىزمەتتىك وكىلەتتىكتەرىن جەكە باس پايداسى ءۇشىن پايدالانىپ, پارا الۋ, پارا بەرۋ, قىزمەت بابىن تەرىس پايدالانۋ, تۋىستىق نە باسقا بايلانىستاردى اسىرا پايدالانۋ سەكىلدى ارەكەتتەر.
سىبايلاس جەمقورلىقتىڭ سالدارى تەك قانا جەكە ادامعا ەمەس, تۇتاس قوعامعا زيان كەلتىرەدى, اتاپ ايتقاندا: مەملەكەتتىك بيۋدجەتكە تۇسەتىن كىرىستەر ازايادى, الەۋمەتتىك ادىلەتتىلىك بۇزىلادى, ازاماتتاردىڭ بيلىككە دەگەن سەنىمى جوعالادى, ينۆەستورلاردىڭ قىزىعۋشىلىعى تومەندەيدى, مەملەكەتتەگى قۇقىقتىق ءتارتىپ السىرەيدى.
قازاقستاندا سىبايلاس جەمقورلىققا قارسى كۇرەس مەملەكەتتىك ساياساتتىڭ باستى باعىتتارىنىڭ ءبىرى. 2015 جىلى قابىلدانعان «سىبايلاس جەمقورلىققا قارسى ءىس-قيمىل تۋرالى» زاڭ وسى باعىتتا جاسالعان ماڭىزدى قادام. سونىمەن قاتار «ادالدىق الاڭى», «سانالى ۇرپاق», «جەمقورلىقسىز بولاشاق» سىندى جوبالار ىسكە قوسىلعان, مەملەكەتتىك قىزمەتكەرلەرگە ارنالعان ادەپ كودەكسى بەكىتىلگەن. بۇگىندە ەلەكتروندىق مەملەكەتتىك قىزمەتتەر جۇيەسى ەنگىزىلىپ, ادامي فاكتوردى ازايتۋ قولعا الىنۋدا جانە اشىقتىق پەن ەسەپ بەرۋدىڭ جاڭا تەتىكتەرى قۇرىلۋدا.
سىبايلاس جەمقورلىقپەن كۇرەس تەك مەملەكەتتىڭ عانا ەمەس, بۇكىل قوعامنىڭ ورتاق ءىسى بولۋى ءتيىس. ءاربىر ازامات زاڭعا باعىنىپ, پارا بەرۋگە نەمەسە الۋعا جول بەرمەي, دەر كەزىندە بەلگىلى بولعان سىبايلاس جەمقورلىق دەرەكتەرى تۋرالى حابارلاپ, ءوزىنىڭ قۇقىقتارى مەن مىندەتتەرىن ءبىلۋ قاجەت.
سىبايلاس جەمقورلىقتى جويۋ – ۇزاق مەرزىمدى پروتسەسس. ول تەك قۇقىق قورعاۋ ورگاندارىنىڭ عانا ەمەس, ءاربىر ازاماتتىڭ بەلسەندى ۇستانىمىن تالاپ ەتەدى. تەك قانا ادىلەتتىلىك پەن اشىقتىققا نەگىزدەلگەن قوعامدا عانا تۇراقتى دامۋ بولادى. ءبىزدىڭ ورتاق ماقساتىمىز دا – ءادىل, تازا جانە دامىعان قازاقستاندى قۇرۋ.
قر سوت اكىمشىلىگى اسكەري سوتى دەپارتامەنتىنىڭ
ىشكى قاۋىپسىزدىك ءبولىمىنىڭ باس مامانى
ا.ادەنوۆ
