كونفەرەنتسياعا قازاقستان, تۇركيا, وزبەكستان جانە باسقا دا ەلدەردىڭ عالىمدارى, زەرتتەۋشىلەرى, مادەنيەت جانە عىلىم سالاسىنىڭ وكىلدەرى كەلدى.
ءۇش كۇنگە سوزىلعان كونفەرەنتسيادا جوشى ۇلىسى مەن التىن وردا داۋىرىندەگى مەملەكەتتىلىكتىڭ تاريحي ءرولىن زەردەلەۋ, ۇلى دالا وركەنيەتىنىڭ مادەني مۇراسىن كەڭىنەن ناسيحاتتاۋ جانە حالىقارالىق عىلىمي قاۋىمداستىق اراسىنداعى ىنتىماقتاستىقتى نىعايتۋدى ماقسات ەتىپ وتىر.
پلەنارلىق وتىرىستا ۇلىتاۋ وبلىسىنىڭ اكىمى داستان رىسپەكوۆ, حالىقارالىق تۇركى مادەنيەتى جانە مۇراسى قورىنىڭ پرەزيدەنتى اقتوتى رايىمقۇلوۆا جانە قر مادەنيەت جانە اقپارات مينيسترلىگىنىڭ وكىلدەرى قۇتتىقتاۋ ءسوز سويلەدى.
كونفەرەنتسيادا عىلىمي باياندامالار تىڭدالدى. التىن وردا تاريحى, جوشى ۇلىسىنىڭ مەملەكەتتىلىگى, ءحىىى–XIV عاسىرلارداعى تۇركى الەمىنىڭ مادەنيەتى, كەتبۇقا ءبيدىڭ تاريحي مۇراسى تالقىلاندى.
«تۇران» ءانسامبلى «تامىر» كونتسەرتىن قويىپ, مادەني جانە ەتنوگرافيالىق باعدارلامالار ۇسىنىلدى.
كونفەرەنتسيا قورىتىندىسىندا رەزوليۋتسيا قابىلدانىپ, عالىمدار كونفەرەنتسيانىڭ ماڭىزدىلىعىن اتاپ ءوتتى.
بۇگىن قوناقتار ۇلىتاۋ اۋدانىنىڭ تاريحي جەرلەرىن ارالايدى.
