سالتاناتتى شارادا اۋدان اكىمى بوتا ەلەۋسىزوۆا سۋ قۇبىرىنىڭ تارتىلۋى تابيعاتتى قورعاۋ ىسىندە, ءتۋريزمدى دامىتۋدا جانە دەمالۋشىلارعا قولايلى جاعداي جاساۋدا ەرەكشە مانگە يە ەكەنىن اتاپ ءوتتى.
«سۋ – تىرشىلىك ءنارى. بۇگىنگى جوبا تەك تۋريستەرگە عانا ەمەس, جالپى ءوڭىردىڭ تۋريستىك الەۋەتىن ارتتىرۋعا باعىتتالعان ماڭىزدى قادام دەر ەدىم. بۇل – تابيعاتتى ايالاۋ مەن ەكولوگيالىق ءتۋريزمدى وركەندەتۋگە قوسىلعان زور ۇلەس», – دەدى اۋدان اكىمى.
جاڭا سۋ قۇبىرىنىڭ ىسكە قوسىلۋى شارىن شاتقالىنا كەلۋشىلەرگە قولايلى جاعداي جاساپ قانا قويماي, ۇلتتىق پاركتىڭ ەكولوگيالىق تۇراقتىلىعىن ساقتاۋعا دا ىقپال ەتەرى ءسوزسىز. جوبا مەملەكەت پەن بيزنەس اراسىنداعى ءتيىمدى ارىپتەستىكتىڭ ناقتى ناتيجەسىندە جۇزەگە اسىپ وتىر.
اشىلۋ راسىمىندە قاتىسۋشىلار تابيعاتتى قورعاۋ جانە ءتۋريزمدى دامىتۋعا باعىتتالعان وسىنداي بىرلەسكەن باستامالاردىڭ ءوڭىر ءۇشىن ستراتەگيالىق ماڭىزدىلىعىن اتاپ ءوتتى. بۇل يگى ءىس-شارا جەتىسۋ وڭىرىندەگى ەكولوگيالىق ءتۋريزمنىڭ دامۋىنا دا جاڭا سەرپىن بەرىپ, ۇلتتىق پارك قوناقتارىنا جايلى جاعداي جاساۋدىڭ جارقىن ۇلگىسىنە اينالماق.
الماتى وبلىسى.
