بايقوڭىردان ۇشىرىلعان «پروگرەسس» عارىش كەمەسى اۋەدە جانىپ كەتتى

استانا. 8 مامىر. «پروگرەسس م-27» عارىش كەمەسى ماسكەۋ ۋاقىتى بويىنشا جۇما كۇنى 05:04-تە جۇمىسىن توقتاتتى. بۇل تۋرالى «روسكوسموس» تاراتقان رەسمي مالىمدەمەگە سىلتەمە جاساپ, interfax.ru حابارلادى. رەسەيلىك «پروگرەسس م-27» عارىش كەمەسى جۇماعا قاراعان ءتۇنى اتموسفەرانىڭ تىعىز قاباتىندا جانىپ كەتكەن. اپات تىنىق مۇحيتىنىڭ ۇستىندە تىركەلگەن. «عارىش كەڭىستىگىن باقىلاۋ ۇلتتىق جۇيەسى تاراتقان دەرەكتەرگە قاراعاندا, كەمە اۋا قاباتىنىڭ تىعىز قاباتىنا كىرىپ, جانىپ كەتكەن», – دەيدى «روسكوسموس» وكىلى. قازىرگى تاڭدا «پروگرەسس م-27»-ءنىڭ وقىستان جويىلىپ كەتۋىنە بايلانىستى تەرگەۋ جۇمىستارى جۇرگىزىلۋدە. تەرگەۋ قورىتىندىلارى مەملەكەتتىك كوميسسيا جۇمىسى اياقتالىسىمەن 13 مامىردان كەشىكتىرىلمەي جاريالاناتىن بولادى. الدىن الا دەرەكتەر بويىنشا, كەمەنىڭ ىستەن شىعۋىنا «سويۋز» تاسىعىش-زىمىرانىنىڭ ءۇشىنشى ساتىسىنداعى جارىلىس تۇرتكى بولعان. ساتىداعى اپات ودان «جۇك كولىگى» بولىنەتىن كەزدەن بەس-التى سەكۋند بۇرىن بولعان. وسىدان كەيىن عارىش كەمەسى ءتيىستى شامادان ارتىق جىلدامدىقتا اينالا باستاعان. قاتتى اينالۋدىڭ سالدارىنان «پروگرەسستىڭ» باسقارۋ جۇيەسى ىستەن شىققان. ەستەرىڭىزگە سالا كەتەيىك, «پروگرەسس» عارىش كەمەسى 28 ءساۋىر كۇنى بايقوڭىردان ۇشىرىلعان بولاتىن. كەمە حالىقارالىق عارىش ستانساسىنا جانارماي, وتتەگى, عىلىمي ساراپتامالار ءۇشىن قۇرىلعىلار, عارىشكەرلەرگە سالەمدەمەلەر, سونداي-اق, ازىق-ت ۇلىك جەتكىزۋى كەرەك بولعان. عارىش كەمەسىنىڭ ىستەن شىعۋ شىعىنى بەس ميلليارد رۋبلگە باعالانىپ وتىر. ەلامان قوڭىر. دەرەك, سۋرەت: interfax.ru.