اكتسياعا ءبىر كىسىدەي قاتىستى

اكتسياعا قاتىسۋشىلار كو­شە­لەردى, ساياباقتاردى, ورماندار مەن وزەن جاعالاۋىن, سونداي-اق كاسىپورىنداردىڭ, ساۋدا ورتالىقتارىنىڭ, ءبىلىم بەرۋ مەكەمەلەرىنىڭ ىرگە­لەس اۋماعىن قوقىستان تازارتۋ جۇمىسىن جۇرگىزدى. اكتسيانى وبلىستىڭ وزگە تۇر­عىندارى دا قولدادى.

«الەمنىڭ 190-نان استام ەلىندە 20 قىركۇيەك كۇنى اتالىپ وتەتىن دۇنيەجۇزىلىك تازالىق كۇنى ەلىمىزدە دە ۇيىمشىلدىقپەن وتەدى. بۇل – ميلليونداعان ادامدى بىرىكتىرەتىن حالىق­ارا­لىق ەكولوگيالىق قوزعالىس, ماق­ساتى – قوعامنىڭ نازارىن قوقىس-قالدىق ماسەلەسىنە اۋدا­رىپ, حالىقتى قورشاعان ورتا­نىڭ تازالىعى تۇرعىسىندا بىرىك­تىرۋ. ءبىزدىڭ وبلىستا دا رۇق­سات­سىز قوقىس ۇيىندىلەرى, سۋ اي­دىندارىنىڭ لاستانۋى ماسە­لەسى كەزدەسەدى. سوندىقتان بۇل اك­تسياعا جالپىحالىقتىق سيپات بەرىپ, تازالىق پەن ءتارتىپ­تىڭ ارقايسىمىزعا بايلانىس­تى ەكەنىن ءتۇسىنۋىمىز كەرەك», دەي­دى وبلىستىق ەكولوگيا دەپار­تامەنتىنىڭ ءبولىم باسشىسى الماتاي جۇماعازيەۆ.

ماماننىڭ پىكىرىنشە, وڭىردە مەملەكەتتىك ورگاندار ەكولوگيالىق جاعدايدى جاق­­سار­تۋ باعىتىندا جۇيەلى جۇ­مىس جۇرگىزەدى. قوقىس ۇيىندى­لەرىن رەكۋلتيۆاتسيا جوباسى جۇزەگە اسىرىلىپ جاتىر. قال­دىقتى بولەك جيناۋ جۇيەسى ەنگىزىلىپ, تابيعات پايدالانۋ­شىلارىنا باقىلاۋ كۇشەي­تىل­گەن. سونداي-اق قاتتى تۇرمىس­تىق قال­دىقتار پوليگوندارىن تسيفر­لاندىرۋ, قالدىقتاردى قايتا وڭدەۋ ينفراقۇرىلىمى دامىپ كەلەدى. بۇل ىسكە قوعام تۇگەل قاتى­سۋى قاجەت. سوندا عانا ناتيجە تولىق بولماق.

سەنبى كۇنى وتكەن دۇنيە­جۇزىلىك اكتسياعا باتىس قازاق­ستان وبلىسىنان 7 560 ادام شىعىپ, 170,5 توننا قوقىس-قالدىق جينالدى. ءىس-شاراعا مەملەكەتتىك ورگانداردان قوسىل­عان 4 280 ادامنان بولەك, 2 مىڭنان اسا قاراپايىم تۇرعىن, 1 230 ەرىكتى بەلسەنە قاتىستى.

ادامعا, تابيعاتقا اسا پايدالى, ماڭىزدى باستامانى ۇيلەستىرگەن باتىس قازاقستان وبلىسى بويىنشا ەكولوگيا دەپارتامەنتى «World Cleanup day» رەسپۋبليكالىق اكتسياسىنا قاتىسقان بارلىق ازاماتقا العىس ايتتى. مۇنداي سەنبىلىك, تازالىق كۇندەرى جىل سوڭىنا دەيىن جالعاسادى.

باتىس قازاقستان وبلىسى