ەلباسى «وتان قورعاۋشىلار» مونۋمەنتىنە گۇل شوعىن قويدى

استانا. 8 مامىر. ەلباسى «وتان قورعاۋشىلار» مونۋمەنتىنە گۇل شوعىن قويۋ راسىمىنە قاتىستى. بۇل تۋرالى akorda.kz حابارلادى. ون مىڭعا جۋىق ادام قاتىسقان ءراسىم بارىسىندا ۇلى وتان سوعىسى كەزىندە ۇرىس دالاسىندا قازا تاپقان ساربازداردى ءبىر مينۋتتىق ۇنسىزدىكپەن ەسكە الۋ شاراسى ءوتتى. مەملەكەت باسشىسى مونۋمەنتكە گۇل قويعاننان سوڭ سوعىس جانە ەڭبەك ارداگەرلەرىمەن اڭگىمەلەستى. ەلباسى بارشا قازاقستاندىقتاردى جەڭىس كۇنىمەن قۇتتىقتادى. «بۇل سوعىسقا كوپ ەل قاتىستى, ميلليونداعان ادامدار مايدان دالاسىندا قازا تاپتى جانە سونشاسى جاراقات الدى, جاقىندارى جاپا شەكتى. ءبىز – جەڭىمپاز اكەلەردىڭ باقىتتى ۇرپاعىمىز. ەگەر ولار جەڭىسكە جەتپەگەندە, قازىر ءبىزدىڭ جاعدايىمىز قانداي بولارىن ەلەستەتۋدىڭ ءوزى قيىن. سوندىقتان ارداگەرلەرىمىز مەرەكەدە عانا ەمەس, كۇندەلىكتى ومىردە دە بارلىق قۇرمەتكە لايىق. مەن جاستاردىڭ ولارعا ءاردايىم كومەكتەسكەنىن, قارت اتا-انالارىن قۇرمەتتەگەنىن قالايمىن, ءبىزدىڭ حالىق سولاي بولۋعا ءتيىس. ارداگەرلەر ارامىزدا امان-ەسەن ۇزاق ءجۇرىپ, ادامگەرشىلىك, مورالدىق ۇستانىمدارىمەن جاس بۋىنعا ۇلگى بولا بەرسىن. مەرەكەلەرىڭىزبەن, قىمباتتى قازاقستاندىقتار! ءاربىر وتباسىعا باقىت, تابىس جانە اشىق اسپان تىلەيمىن!», – دەدى نۇرسۇلتان نازارباەۆ. ەلامان قوڭىر. دەرەك, سۋرەت: akorda.kz.