جەزقازعان قالاسىندا وتكەن ج. حادجيەۆ اتىنداعى IV حالىقارالىق تەاتر فەستيۆالىندە ونەر سۇيەر قاۋىمعا ەرەكشە اسەر سىيلاعان اباي وبلىستىق «داريعا-اي» جاستار تەاترى باس جۇلدە, «ۇزدىك سپەكتاكل» نوميناتسياسىن يەلەندى.
تەاتر ۇجىمى كورنەكتى جازۋشى ورالحان بوكەيدىڭ ء«وز وتىڭدى وشىرمە» دراماسىن ساحنالاپ, تەرەڭ فيلوسوفيالىق تارتىسقا تولى تۋىندا قازىلار القاسىن تاڭعالدىرىپ, كورەرمەنىن ءتانتى ەتە ءبىلدى. قويىلىمنىڭ رەجيسسەرى – مەيرام حابيبۋللين. وسىلايشا رەجيسسەردىڭ ىزدەنىسى, كەيىپكەرلەردىڭ جان-دۇنيەسىن اشۋداعى شەبەرلىگى مەن ساحنالىق شەشىمدەرىنىڭ ەرەكشەلىگى ۇزدىك باعالانىپ وتىر.
وبلىستاعى اباي اتىنداعى تەاتردىڭ قۇرامىنداعى «داريعا-اي» جاستار تەاترى پروفەسسور داريعا تۇرانقۇلقىزى جانە بەلگىلى قوعام قايراتكەرى, ابايتانۋشى, قازاقستاننىڭ ەڭبەك سىڭىرگەن قىزمەتكەرى توكەن يبراگيموۆتىڭ باستاماسىمەن 1999 جىلى 14 قاراشادا اشىلدى. سونىمەن قاتار تەاتردىڭ ىرگە تاسىن قالاۋعا پروفەسسور مايرا ومارباەۆا, اعا وقىتۋشى مەيرامگۇل الەپاروۆا جانە تەاتردىڭ رەجيسسەرى ءھام كوركەمدىك جەتەكشىسى بولعان اقبارالى ايتىباەۆ سىندى ازاماتتار ات سالىسقانىن ايتا كەتكەنىمىز ءجون. بۇگىندە تەاتر قورجىنىندا قازاق قالامگەرلەرىمەن قوسا شەت ەل دراماتۋرگتەرىنىڭ سۇبەلى شىعارمالارى بار.
اباي وبلىسى
