قاتىسۋشىلاردىڭ پىكىرىنشە, پرەزيدەنت باستامالارى جاستاردى قولداۋعا, قۇقىقتاردى قورعاۋعا, وڭىرلىك دامۋدى كۇشەيتۋگە, ەكولوگيانى جاقسارتۋعا جانە ەلدىڭ عىلىمي-زياتكەرلىك الەۋەتىن ارتتىرۋعا باعىتتالعان. ولار جولداۋ مەملەكەتتىڭ دامۋىنا جول كورسەتەتىن ستراتەگيالىق قۇجات ەكەنىن جانە ۇەۇ ونىڭ ورىندالۋىنا بەلسەنە ارالاسۋعا دايىن ەكەنىن اتاپ ءوتتى.
«Human Rights Lawyers» قورىنىڭ جەتەكشىسى ءلاززات راقىشەۆا زاڭ ۇستەمدىگى مەن ادام قۇقىقتارىن قورعاۋعا ەرەكشە كوڭىل ءبولىنۋى قوعامنىڭ مەملەكەتتىك ينستيتۋتتارعا سەنىمىن ارتتىراتىنىن ايتتى.
«پرەزيدەنت جولداۋى قازاقستاننىڭ بولاشاعى ءۇشىن نەگىزگى باسىمدىقتاردى ايقىندايدى. بۇل ماقساتتارعا جەتۋدە ازاماتتىق قوعامنىڭ بەلسەندى قاتىسۋى ماڭىزدى. اسىرەسە, زاڭ ۇستەمدىگى مەن ادام قۇقىقتارىن قورعاۋعا باسا نازار اۋدارىلعانى ەرەكشە مانگە يە, ويتكەنى بۇل قوعامنىڭ مەملەكەتتىك ينستيتۋتتارعا دەگەن سەنىمىنە تىكەلەي اسەر ەتەدى», دەدى ءلاززات راقىشەۆا.
«قازاقستان ازاماتتىق اليانسى» ۇيىمىنىڭ ديرەكتورى نۇراس ەرالى اۋىل جاستارىنا جاڭا مۇمكىندىكتەر اشۋدىڭ ماڭىزىن اتاپ ءوتتى.
«وڭىرلىك جوبالاردى دامىتۋعا جانە اۋىل جاستارىن قولداۋعا ەرەكشە نازار اۋدارۋ قاجەت. جولداۋدا ينفراقۇرىلىم ساپاسىن ارتتىرۋ, جۇمىس ورىندارىن قۇرۋ جانە اگروونەركاسىپتىك كەشەندى دامىتۋ شارالارى بەلگىلەنگەن. مۇنىڭ ءبارى اۋىل جاستارىنا تۋعان جەرىندە ءوز الەۋەتىن ىسكە اسىرۋعا مۇمكىندىك بەرەدى», دەدى ول.
ال «بولاشاق قازاقستانعا» بىرلەستىگىنىڭ ءتورايىمى ءبيبىنۇر شەرباەۆا ساپالى ءبىلىم مەن يننوۆاتسيانى دامىتۋدىڭ ەلدىڭ باسەكەگە قابىلەتتىلىگىن ارتتىرۋداعى رولىنە توقتالدى.
«قازاقستان ءۇشىن وتاندىق زياتكەرلىك ونىمدەردى دامىتۋ جانە جەرگىلىكتى مامانداردىڭ ءرولىن كۇشەيتۋ اسا ماڭىزدى. پرەزيدەنت ساپالى ءبىلىم, عىلىم مەن يننوۆاتسيانىڭ ەلدىڭ باسەكەگە قابىلەتتىلىگىنىڭ نەگىزى ەكەنىن اتاپ ءوتتى. بۇل باعىت جاڭا يدەيالار مەن ستارتاپتارعا جول اشادى», ءبيبىنۇر شەرباەۆا.
كەزدەسۋ «اشىق ميكروفون» فورماتىندا جالعاسىپ, ۇەۇ الەۋمەتتىك قىزمەتتەردىڭ تيىمدىلىگىن ارتتىرۋ, ينكليۋزيۆتى ورتانى كەڭەيتۋ جانە ازاماتتىق بەلسەندىلىكتى دامىتۋ جونىندە ۇسىنىستارىن جەتكىزدى.
جيىن سوڭىندا قاتىسۋشىلار پرەزيدەنت باستامالارىن قولداپ, جولداۋداعى مىندەتتەردى جۇزەگە اسىرۋ جولىندا ىنتىماقتاسا جۇمىس ىستەۋگە دايىن ەكەندەرىن ءبىلدىردى.
شارانى قر مادەنيەت جانە اقپارات مينيسترلىگىنىڭ قولداۋىمەن ازاماتتىق باستامالاردى قولداۋ ورتالىعى ۇيىمداستىردى. اتالعان ورتالىق جىل سايىن ءبىلىم, جاستار ساياساتى, قۇقىق قورعاۋ, ەكولوگيا جانە ازاماتتىق قوعامدى دامىتۋ سالاسىنداعى 100-دەن استام الەۋمەتتىك جوبانى مەملەكەتتىك گرانتتار ارقىلى قارجىلاندىرادى.
