پوليتسيانىڭ مالىمەتىنشە, كۇدىكتى نىساندارعا بىردەن پوليتسيا قىزمەتكەرلەرى, كينولوگيالىق قىزمەت جانە ارنايى بولىمشەلەر شىققان. جۇرگىزىلگەن تەكسەرىس بارىسىندا جارىلعىش زاتتار دا, كۇماندى زاتتار دا تابىلعان جوق.
تەمىرجول ۆوكزالى مەن تۇرعىن ءۇي تولىقتاي تەكسەرىلدى. قازىرگى ۋاقىتتا ۆوكزال قالىپتى جاعدايدا جۇمىس ىستەپ تۇر.
— تەرروريزم اكتىسى تۋرالى جالعان حابارلاما فاكتىسى بويىنشا قىلمىستىق ءىس قوزعالدى. قۇقىق بۇزۋشىنىڭ جەكە باسىن انىقتاۋعا باعىتتالعان جەدەل-تەرگەۋ شارالارى جۇرگىزىلىپ جاتىر, — دەپ حابارلادى پوليتسيا دەپارتامەنتىنىڭ ءباسپاسوز قىزمەتى.
ۆەدومستۆو وكىلدەرى تەرروريزم اكتىسى تۋرالى جالعان حابارلاما بەرگەنى ءۇشىن قىلمىستىق جاۋاپكەرشىلىك قاراستىرىلعانىن ەسكەرتتى.
