الماتىدا مەرەكەگە وراي ءداستۇرلى ۆەلوجارىس ءوتتى

الماتى. 8 مامىر. الماتىدا وتان قورعاۋشىلار كۇنى مەركەسىنە وراي قالا ۆەلوشاباندوزدارى ادەتتەگىدەي جارىسقا شىقتى. سونداي-اق, ايتۋلى شارا ۇلى جەڭىستىڭ 70 جىلدىعى قۇرمەتىنە ارنالدى. بۇل تۋرالى egemen.kz حابارلادى. ۆەلوجارىسقا 2000-عا جۋىق ادام قاتىستى. وسىنىڭ ءوزى قالا تۇرعىندارىنىڭ سپورتتىڭ بۇل تۇرىنە دەگەن قىزىعۋشىلىعىنىڭ ۋاقىت وتكەن سايىن ارتىپ كەلەتىنىن تانىتادى. جارىس مارەسىنە جەتكەن جەڭىمپازدارعا ەستەلىك سىيلىقتار تابىس ەتىلدى. كوماندالىق جارىس قورىتىندىسى بويىنشا – باس جۇلدە قازاق مەملەكەتتىك قىزدار ۋنيۆەرسيتەتىنىڭ ۆەلوسيپەدشىلەرىنە تابىس ەتىلدى. ەكىنشى ورىندى – قازاق ۇلتتىق تەحنيكالىق ۋنيۆەرسيتەتى, ءۇشىنشى ورىندى اباي اتىنداعى پەداگوگيكالىق ۋنيۆەرسيتەتتىڭ سپورتشىلارى جەڭىپ الدى. مارە باسىندا وتكەن سالتاناتتى جيىندا قالا اكىمى احمەتجان ەسىموۆ: «بۇل شارا جاستاردىڭ اعا ۇرپاقتىڭ سوعىستاعى ەرلىك جولدارىنا تاعزىمى», – دەپ اتاپ ءوتتى. جارىس سوڭى ونەرپازداردىڭ دۋماندى كونتسەرتىنە ۇلاستى. تالعات ءسۇيىنباي. دەرەك, سۋرەت: egemen.kz.