ء“سىز ءبىزدى قايدا اكەلدىڭىز؟”

بۇل 1999 جىلعى تامىز ايىنىڭ ورتا شەنىندەگى كورىنىس ەدى... سول جىلدىڭ اقپانىندا ەلىمىزدىڭ باس باسىلىمى – “ەگەمەن قازاقستان” گازەتى استانا قالاسىنا قونىس اۋ­دار­دى. گازەت ۇجىمىن مەملەكەت­تىك سىيلىقتىڭ لاۋرەاتى, قازاق­ستان جۋر­ناليستيكاسىنىڭ ارداگەرى, جازۋ­شى شەراعاڭ – شەرحان مۇر­تازا باستاپ كەلگەن بولاتىن. كەلگەن كۇنى باسىلىمنىڭ سول كەزدەگى ءبىرىن­شى باسشىسى ەرجۇمان سمايىل بار­لىعىمىزعا ءبىر-ءبىر پاتەردىڭ كىلتىن سالتاناتتى جاعدايدا تابىس ەتتى. بالالارىمىز الماتىدا مەكتەپ­تە, زايىبىمىز جۇمىستا بولعان­دىقتان, ولاردى ەلورداعا وزىمىزبەن بىرگە بىردەن الىپ كەلۋگە مۇمكىن­شىلىك بولمادى. ال ءبىزدىڭ وتباسىعا سونىڭ ءساتى 1999 جىلدىڭ 15 تامى­زىندا ءتۇستى. ۇلىم – بەكجان, قىز­دارىم – جادىرا مەن عاليابانۋ وزدەرى دۇنيەگە كەلگەن اسەم ال­ما­تى­نى, سىنىپتاس دوستارىن قيا ال­ماي, ەكى-ءۇش كۇن “استاناعا بارماي­مىز”, دەپ كونبەدى. ايتەۋىر, كون­دىردىك-اۋ. ...ءبىز مىنگەن الماتى – استانا جولاۋشىلار پويىزى استانا تەمىر جول ۆوكزالىنا جاقىنداپ كەلەدى. ول كەزدە اقمولا وبلىسىن قارا شەگىرتكە باسىپ جاتقان شاق ەدى. پويىز ۆاگوندارى تەرەزەلەرىنىڭ سىرتىنا سوعىلعان شەگىرتكەلەردىڭ ولىمتىگى سىرتقى دۇنيەنى كورسەت­پەيدى, تەرەزەلەردى تەگىس تۇمشالاپ العان. بالالارعا كوز قيىعىممەن قاراپ قويامىن, ولار تەرەزەگە جابى­سىپ, سىرتقا تەسىلە قارايدى دا, “سۇمدىق, سۇمدىق”, دەپ باستارىن قايتا-قايتا شايقايدى. پويىز ۆوكزالدىڭ ءبىرىنشى جولى­نا دا كەلىپ توقتادى. جۇگىمىزدى سۇيرەتە كوتەرىپ, جاپا-تارماعاي جەر­­گە ءتۇسىپ جاتىرمىز. “قىزىق” وسى كەزدە باستالدى. پەررون ءۇستىن قالىڭ قارا شەگىرتكە باسقان. جان­شىل­عان, تاپتالعان, سەكىرگەن شە­گىرت­كەلەردەن اياق باسار جەر جوق, ك ۇلىمسى ءيىس مۇڭكىپ تۇر. قىزدارىم سە­كىرگەن شەگىرتكەلەردەن شوشىپ, ءبىزدىڭ قولتىعىمىزعا قايتا-قايتا تىعىلادى. سوندا عاليابانۋ: ء“سىز, ءبىزدى قايدا اكەلدىڭىز؟” – دەپ جىلارمان كۇيگە تۇسكەنى بار ەدى. سودان بەرى ون ءبىر جىلعا جۋىق ۋاقىت ءوتتى. بالالار مەكتەپ ءبىتىرىپ, جوعارى ءبىلىم الدى, جاڭا دوستار تاپتى. ەڭسەلى ەلوردامىز – استانا قا­لا­سىنىڭ تۇرعىندارى اتاندى. ەلوردانىڭ جىل وتكەن سايىن جاڭا­رىپ, جاسارىپ كەلە جاتقانىنا كوز­دەرى انىق جەتكەن سوڭ, ولار اسەم ال­ماتىنى, اسقاق الاتاۋدى اڭساۋدى قويدى. ءبىز سول كورىنىستى, عاليابانۋدىڭ ايتقان سول سوزدەرىن اۋىق-اۋىق ەسكە الىپ, ءبىر ك ۇلىسىپ الامىز. قالانىڭ سول جىلدارداعى كەسكىنىن ەلور­دا­نىڭ قازىرگى كەلبەتىمەن سالىستىرا­مىز. ادام تانىماستاي وزگەرگەن, مۇلدە جاڭارعان, بارلىق جاعىنان وركەن­دەگەن. مەملەكەت باسشىسى­نىڭ تىكە­لەي باسشىلىق ەتۋىمەن اس­قاق­تاپ كە­لە جاتقان قازاقستان­نىڭ باس قالاسى – استانا وسىنداي بولۋى كەرەك. ءاليسۇلتان قۇلانباي. استانا.